کورپاڼه / سياست او روانې چارې / نريندر مودي: روژه موږ ته د بې وزله او غريبو د خدمت پېغام راکوي
نريندر مودي

نريندر مودي: روژه موږ ته د بې وزله او غريبو د خدمت پېغام راکوي

د سعودي عربستان او افغانستان په ګډون د نړۍ په ټولو هېوادونو کې نن د روژې لومړۍ ورځ وه، خو په هند او پاکستان کې بيا نن د روژې مياشت ليدل شوې ده او سبا به د روژې لومړۍ ورځ وي.

په دې تړاو د هند لومړي وزير نريندرا مودي هم په ټويټر کې د مسلمانانو لپاره يو ځانګړى پېغام خپور کړى دى او د روژې مياشتې مبارکي يې هم ورکړې ده.

نريندرا مودي په خپل ټويټ کې ليکلي دي، چې روژه موږ ته دا پېغام راکوي چې د بې وزلو او غريبو خلکو خدمت وکړو. نوموړى زياتوي، چې روژه د يووالي، ورورولۍ او زړه سوي په اړه راته وايي.


له نريندرا مودي پرته د انګلستان لومړي وزير بوريس جانسن هم په ټويټر کې مسلمانانو ته د روژې مياشتې په راتلو مبارکي ورکړې ده.


د کاناډا لومړي وزير جيسټن ټروډو هم په خپل ټويټر کې يوه ويډيو خپره کړې ده او مسلمانانو ته يې د روژې مياشتې مبارکي ويلې ده.

هغه خپله ويډيو د سلام څخه پيلوي او وايي چې سږکال کورونا ويروس موږ په روژه کې د يو بل د ليدلو څخه درولى شي، خو دا مسلمانان د اسلامي احکامو د پلي کولو څخه نه شي درولى.


د امريکا ولسمشر جو بايډن او لومړۍ مېرمن جيل بايډن بيا پرون د ټولې نړۍ مسلمانانو ته د روژې مياشتې د راتګ مبارکي ورکړې وه.

دا هم ولولئ

وزیرستان اختر

وزیرستان کې نن اختر دی

پرون د شمالي وزیرستان په حیدرخیل سیمه کې شاوخوا شل کسانو د شوال میاشت لیدلې …