خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
یو پیشو یو داسې نابللی میلمه دی، چې له ساتلو او روزلو پرته مو کورونه ته راځي او هغه کسان چې د حیواناتو د ساتلو مینوال وي، نه غواړي چې دغه معصوم حیوان دې د ناروغیو په لېږدولو تورن کړي.
د پیشوګانو او د ویښتانو د حساسیت په اړه خو به مو ډېر اورېدلي، خو اوسمهال د یوې نوې څېړنې له مخې چې په امریکا کې ترسره شوې، ویل کېږي چې پیشو د خطرناکو دماغي ناروغیو متحرک کوونکې ده.
د څېړنې له مخې ویل کېږي چې د نږدې څلویښت میلونه امریکایانو په دماغو کې یو ډول هغه پرازیټ Toxoplasma gondii وده کوي، چې د دماغو د سرطان او سیکروفیرینا سبب کېږي.
د څېړنې مشر ډاکتر روبرټزکي وایي چې دغه پرازیټ له پیشوګانو انسانانو ته انتقال مومي او کله چې د انسان دماغو ته انتقال شي هلته وده پیل کړي او د دماغو د سرطان یا رسولۍ خطر ډېروي.
څېړونکي وایي چې له دې څېړنې یې د پرازیټ او دماغي سرطان ترمنځ د اړیکو د لرلو واضح شواهد نه دي ترلاسه کړي، بلکې په دې برخه کې نورو څېړنو ته اړتیا ده.
د یادولو وړ ده چې تېر کال د کوپن هیګن پوهنتون د یوې څېړنې له مخې ویلي ول چې د پیشو په متیازو کې موندل کېدونکی پرازیټ Toxoplasma gondii په عموم کې بې ضرره وي خو د خامې غوښې په خوړلو انسان ته داخلېږي او په دماغي ناروغیو یې اخته کوي.
