کورپاڼه / تجارتي ليګونه / کريس موريس په شپږيزه د راجستان رايلز لوبډله بريالۍ کړه
کريس موريس

کريس موريس په شپږيزه د راجستان رايلز لوبډله بريالۍ کړه

د راجستان رايلز لوبډله چې د ټاکلي هدف پر وړاندې ډېره کمزورې روانه وه، خو کريس موريس په وروستيو کې خپل کمال ښکاره کړ او په وروستي اور کې د ٢ شپږيزو په وهلو سره يې راجستان رايلز ته بريا ورپه برخه کړه.

د اى پي ايل ٧مه لوبه د ډيلي کاپيټلز او راجستان رايلز لوبډلو ترمنځ ترسره شوه، چې راجستان رايلز د لوبې پچه وګټله او ډيلي کاپيټلز ته يې د توپوهنې بلنه ورکړه.

ډيلي کاپيټلز په ټاکلو ٢٠ اورونو کې د ٨ لوبغاړو په سوځېدو ١٤٧ منډې وکړې، چې له ډلې يې ريشب پانټ ٥١، ټام کران ٢١ او لاليت يادو ٢٠ منډې وکړې.

د راجستان رايلز له خوا جېديو اونداکت ٣، مستفيظ الرحمان ٢ او کريس موريس ١ ويکټ ترلاسه کړې.

د ١٤٨ منډو هدف د راجستان رايلز لوبډلې په ١٩.٤ اورونو کې د ٧ لوبغاړو په سوځېدو پوره کړ او د ٣ ويکټو په توپير يې په لوبه کې بريا خپله کړه.

د دوى له خوا ډيويډ ميلر ٦٢ او کريس موريس ٣٦ ناسوځېدلې منډې وکړې، د پيل څلور لوبغاړي يې په ٢، ٩، ٤ او ٢ منډو سوځېدلي و.

د ډيلي کاپيټلز له لوري اويش خان ٣، کريس ووکس او کاګيسو رباډا ٢-٢ لوبغاړي وسوځول.

دا د راجستان رايلز دويمه لوبه وه چې لومړۍ بريا يې خپله کړه، خو ډيلي کاپيټلز بيا په دويمه لوبه کې لومړۍ ماتې سره مخ شوه.

سبا به د اپريل په ١٦مه نېټه به د اى پي ايل ٨مه لوبه د پنجاب کنګز او چيناى سوپر کنګز لوبډلو ترمنځ ترسره شي، چې د افغانستان په وخت ٦:٣٠ بجې پيلېږي.

دا هم ولولئ

عبدالرزاق

د پاکستان پخوانی کرکټر عبدالرزاق هم په کورونا اخته شوی

د پاکستان کرکټ ملي لوبډلې پخوانی الراونډر لوبغاړی عبدالرزاق هم په کورونا ویروس اخته شوی …