کورپاڼه / روغتيا / د روژې په مبارکه میاشت کې د وزن د کمولو لپاره دغه ډول چکني استعمال کړئ

د روژې په مبارکه میاشت کې د وزن د کمولو لپاره دغه ډول چکني استعمال کړئ

ډېری کسان د روژې په مبارکه میاشت کې د عامو ورځو په پرتله د وزن د ډېرېدو له ستونزو سره زیات مخ کېږي، ځکه چې ټوله ورځ د روژې په سبب خوراک نه کوي او کله چې روژه ماتي ته کیني نو له اړتیا ډېره ډوډۍ خوري او په روژه ماتي کې ډېر خوراک کول د عامو ورځو په پرتله وزن ډېروي.

نن ورځ په همدې موخه درته د یوې داسې چکنۍ د برابرولو طریقه درښیو، چې له پیکوړو او سموسو سره یې په استعمال سره د وزن او کلیسترولو له ستونزو سره نه مخ کېږئ.

د چکنۍ د برابرولو ترکیب:

  • شنه دڼیا، نعناع، شنه مرچک، هوږه، ادرک او لېمو به په ښه ډول ووینځئ.

  • ادرک او هوږه به سپینه او پاک کړئ، بیا یې پرې کړئ او له مرچک به هم ډنډر لېرې کړئ.

  • دا ټول شیان به په میکسر یا کوم بل شي کې واچوئ او دارچیني، انار دانه، کورکمن، تور مرچ، زڼکۍ، د لېمو اوبه، نیم پرې شوی بادرنګ او لږ غوندې اوبه به ور واچوئ او ښه به یې سره ګډ کړئ، نو چکني به تیاره شي.

له خرابېدو څخه څخه د ساتلو آسانه طریقه:

کله چې چکني جوړوئ، مالګه مه ور اچوئ کنه نو چکني به نرۍ شي، بلکې د خوراک پرمهال مالګه ور واچوئ او کله یې چې له لوښي را اخلئ په استعمال شوې کاچوغه یې مه را اخلئ او د تورې مالګې په استعمال سره تر څو ورځو پورې نه خرابېږي.

دا هم ولولئ

د فلج ناروغي، ډولونه او نښې، نښانې یې

ویل کېږي چې د فلج ناروغي په ټوله نړۍ کې د مړینې دریم لوی لامل …