کله چې له علي رضي الله عنه څخه د یوې پوښتنې لس بېلابېل ځوابونه وغوښتل شول

لس نفره یوځای حضرت علي رضي الله عنه ته راغلل او پوښتنه یې ترې وکړه چې، په علم او دولت یې کوم یو لوړ یا غوره دی؟ د مهربانۍ له مخې ټولو ته بېل بېل ځوابونه ورکړه.

حضرت علي رضي الله عنه هغه کسانو ته د یوې پوښتنې لس ځوابه ورکړل، چې په لاندې ډول یې بیانوو:

• دولت د فرغونیانو میراث دی او علم د انبیاء ډالۍ ده.

• د دولت حفاظت او ساتنه به تاسې کوئ او علم ستاسې ساتنه کوي.

• چاسره چې دولت یا شتمني وي نو د هغه ډېر دښمنان هم وي خو چاسره چې علم وي د هغه بیا دوستان ډېر وي.

• که چېرته دولت وویشل شي کمېږي خو که علم وویشل شي زباتېږي.

• دولت من یا شتمن سړی د کنجوسۍ پر لور ځي او عالم سړی د برکت په لور

• دولت یا شتمني غلا کېدلی شي خو علم نه شي غلا کېدلی

• دولت یا شتمني محدوده وي او حساب یې کېدلی شي، خو علم نامحدود وي هیڅ انتها نه لري.

• دولت یا شتمني د وخت په تېرېدو کمېږي خو علم هیڅکله نه کمېږي.

• دولت د ډېرو کسانو په دماغو او زړه تیاره خوروي خو علم یې دماغ او زړه روښانوي.

• دولت یا شتمنۍ د فرغون او نمرود پیسې د خدایۍ دعوه کوونکي پیدا کوي خو علم انسان له رښتینۍ معبود سره ور پېژني.