کورپاڼه / د لوبو راپورونه / نېپال په ستر توپير نيدرلېنډز ته ماتې ورکړه
کوشل بهرټيل، نېپال

نېپال په ستر توپير نيدرلېنډز ته ماتې ورکړه

په لومړۍ نړيواله شل اوريزه لوبه کې د نېپال لپاره کوشل بهرټيل او اصف شېخ ډېره په زړه پورې توپوهنه ترسره کړه او نيدرلېنډز ته يې د ٩ ويکټو په توپير ماتې ورکړه.

د درې هېوادونو ترمنځ د دې لوبلړۍ لومړۍ لوبه د نېپال او نيدرلېنډز هېوادونو ترمنځ په کريتي پور کې ترسره شوه، چې په پيل کې نېپال پچه وګټله او نيدرلېنډز ته يې د توپوهنې بلنه ورکړه.

نيدرلېنډز په ټاکلو ٢٠ اورونو کې د ٤ لوبغاړو په سوځېدو ١٣٦ منډې وکړې، چې له ډلې يې باس دي ليد ٤١، سکاټ ايډورډز ٣٠ او پيټر سيلر ٢٣ ناسوځېدلې منډې وکړې.

د نېپال له خوا سنديپ لاميچين ٢، سومپل کامي او شهاب عالم ١-١ ويکټ ترلاسه کړې.

د ١٣٧ منډو هدف د نېپال لوبډلې په ١٥ اورونو کې د ١ لوبغاړي په سوځېدو پوره کړ او د ٩ ويکټو په ستر توپير يې د دې لړۍ په لومړۍ لوبه کې بريا خپله کړه.

د دوى له خوا کوشل بهرټيل ٦٢ او اصف شېخ ٥٤ ناسوځېدلې منډې وکړې. د نيدرلېنډز له خوا بيا جولين دي مى ١ ويکټ واخيسته.

د لوبې د غوره لوبغاړي جايزه کوشل بهرټيل ته ورکړل شوه.

د يادولو وړ ده چې په دې لوبه کې اصف شېخ، اريان دت، جولين دي مى، کوشل بهرټيل او شهاب عالم په لومړي ځل نړيواله شل اوريزه لوبه ترسره کړه.

د درې اړخيزه شل اوريزې لوبلړۍ دويمه لوبه به د مالېزيا او نيدرلېنډز ترمنځ د اپريل په ١٨مه نېټه ترسره شي.

دا هم ولولئ

د پاکستان او زمبابوې ترمنځ د دویمې ټیسټ لوبې لومړۍ ورځ پای ته ورسیده

د پاکستان او زمبابوې ترمنځ د دویمې ټیسټ لوبې لومړۍ ورځ پای ته ورسیده او …