کورپاڼه / تجارتي ليګونه / اى پي ايل ١٢مه لوبه: چيناى د راجستان لوبډلې ته ١٨٩ منډې هدف وټاکه
فاف ډوپليسي

اى پي ايل ١٢مه لوبه: چيناى د راجستان لوبډلې ته ١٨٩ منډې هدف وټاکه

د هند تجارتي ليګ په دولسمه لوبه کې د چيناى سوپر کنګز لوبډلې ١٨٨ منډې وکړې او د راجستان رايلز لوبډلې ته يې د ١٨٩ منډو هدف وټاکه.

د اى پي ايل ١٢مه لوبه د چيناى سوپر کنګز او راجستان رايلز لوبډلو ترمنځ ترسره کېږي، چې راجستان رايلز لوبډلې د پچې تر ګټلو وروسته د توپ اچونې پرېکړه وکړه.

چيناى سوپر کنګز په ټاکلو ٢٠ اورونو کې د ٩ لوبغاړو په سوځېدو ١٨٨ منډې وکړې، چې له ډلې يې فاف ډوپليسي ٣٣، امباتي رايډو ٢٧، معين علي ٢٦ او ډواين براوو ٢٠ ناسوځېدلې منډې وکړې.

د راجستان رايلز له خوا چيتن سکاريا ښه توپ اچونه ترسره کړه چې ٣ لوبغاړي يې وسوځول، همدا راز کريس موريس ٢، راهول ټيواټيا او مستفيظ الرحمان ١-١ ويکټ واخيستې.

د يادولو وړ ده چې د راجستان او چيناى دواړو لوبډلو دا دريمه لوبه ده، دواړو تر دې مخکې يوه يوه بريا خپله کړې او په يوه يوه لوبه کې يې ماتې خوړلې ده.

دا هم ولولئ

ای پي ایل او هند کرکټ بورډ

که ای پي ایل لغوه شي، هند به دوه نیم زره کروړه روپۍ تاواني شي

د هند کرکټ بورډ (بي سي سي ای) یو غړي ويلي دي، که چېرته هند …