احمد شاه بابا ته سپکاوى؟ په (پاني پت) فلم دې بندېز ولګي

خپلواک وېبپاڼه (٤ نومبر ٢٠١٩): په هند کې د جوړ شوي فلم (پاني پت) انځورونه تازه په ټولنيزو رسنيو کې خپاره شوي دي او ښايي لومړۍ تبليغاتي ويډيو يا ټرېلر يې سبا په ټولنيزو رسنيو کې خپور شو، خو د دغه فلم له خپرېدو مخکې يو شمېر افغانانو غوښتنه کړې ده، چې په دغه فلم دې بندېز ولګول شي.

دغه فلم چې اشوتوش ګواريکر يې جوړوي، سنجي دت پکې د احمد شاه بابا او ارجن کپور پکې د سدا شيو راو بهاو رول لوبوي.

Ahmad Shah Abdali – Death strikes where his shadow falls.
Panipat trailer out tomorrow. #PanipatLook@arjunk26 @kritisanon @AshGowariker #SunitaGowariker @RohitShelatkar @ckmurali_dop #NitinDesai @neeta_lulla @KolhapureP @Mohnish_Bahl #ZeenatAman pic.twitter.com/gPr0uSFh04

— Sanjay Dutt (@duttsanjay) November 4, 2019

سنجي دت د دغه فلم خپل لومړنى انځور نن په خپل ټويټر اکاونټ کې خپور کړى و، چې ورسره يې ليکلي و، د احمد شاه بابا په رول کې. خو د دې تر څنګ نوموړي دا هم ليکلي و، چې په کوم ځاى د احمد شاه ابدالي سيورى پرېوت نو هلته مرګونه وشول.

دا غږ راسره بدرګه کړئ
د پاني پت په نوم د هندي سینما د مشهور لوبغاړي سنجي دت فلم د (لوی احمدشاه بابا) په رول کې نوی د جوړېدو په حال کې دی.
نوټ: د افغانستان د اطلاعاتو او کلتور وزارت د خبر وي چې زمونږ ستر اتل احمدشاه بابا ته پکې سپکاوی ونشي.#اطلاعاتوفرهنګ وزارت pic.twitter.com/6orI4QTdiw

— Moska Sangar Niazay (@MoskaSangarN) November 4, 2019

دغه فلم د ستر افغان امپراتور احمد شاه بابا او د مرهټيانو ترمنځ د پاني پت پر مقام په جګړه باندې جوړ شوى دى، چې ډېرو لږو افغانانو ډېرو زياتو مرهټيانو ته يوه ستره او تاريخي ماته ورکړه.

د دغه فلم په پوسټر هم د نوم نه لاندې ليکل شوي دي چې (لوى خيانت) همدا راز په يو پوسټر بيا دا جمله هم ليکل شوې ده چې (هغه جګړه چې تاريخ يې بدل کړ.)

د هندي سينما وروستيو تاريخي فلمونو ته په کتلو، لکه کيساري، پدماوت او نور، چې په دغه فلمونو کې تاريخ مسخ شوى دى او د فلم جوړونکو پکې له ځانه د هنديانو د برترۍ او لوړتيا کيسې ورځاى کړي دي، له افغانانو سره دا تشويش پېدا شوى دى چې په دغه فلم کې به د احمد شاه بابا کردار هم په ډېر غلط ډول وړاندې شوى وي.

په پام کې ده چې هندي فلم (پاني پت) د ډیسمبر میاشتې په ۶ نېټه خپور شي، فلم د افغان او هند مشهورې جګړې پاني پت باندې جوړ شوی او د فلم له محتوا ښکاري چې افغانانو ته پکې خیانت منسوب شوی دی. افغان فلم او کلتور وزارت باید داسې فلمونه په افغانستان کې نشر ته پرې نه ږدي. @khalidsameer20 pic.twitter.com/lUKMOF6Jaj

— Sial yousofi (@Seeyalyousofi) November 4, 2019

سر له اوسه افغانانو په ټولنيزو رسنيو د دغه فلم پر وړاندې غږ پورته کړى دى او ډېرى خلکو بيا د افغانستان د اطلاعات او کلتور له وزارت نه غوښتنه کړې ده، چې په رسمي ډول دې د دغه فلم په تړاو د هند حکومت ته شکايت وکړي او له هغوى دې غوښتنه وکړي چې په فلم کې د احمد شاه بابا کردار ته سپکاوى ونه شي.

لکه د خلجي نه وروستو د احمد شاه وار دي😒
پانی پت : د هند نوي راتلونکي فلم
او غیرتي افغانان په تمه دي چي لکه ډیر شه قصه به وي🤔

— Khybereena (@khybereena) November 4, 2019

په دغه فلم کې څومره رښتيا او څومره دروغ ورزيات شوي دي؟ دا خو به د فلم له خپرېدو وروسته معلومه شي، خو زيات احتمال دا دى چې په دې فلم کې به هم، لکه د نورو هندي تاريخي فلمونو په څېر هغه څه وړاندې شوې وي، چې هغه په تاريخ کې هېڅ ځاى ونه لري او هنديانو به پکې خپل ځانونه ستر ښکاره کړي وي.