کورپاڼه / خپلواک / اسټراليا په دويمه شل اوريزه لوبه کې پاکستانۍ لوبډله ماته کړه
اسټراليا

اسټراليا په دويمه شل اوريزه لوبه کې پاکستانۍ لوبډله ماته کړه

خپلواک وېبپاڼه (۵ نومبر ۲۰۱۹): د اسټرالیا او پاکستان ترمنځ په دریمه شل اوريزه سيالۍ کې د اسټراليا لوبډلې لپاره سميت په زړه پورې توپوهنه ترسره کړه او د پاکستان لوبډلې ته يې په ۷ ويکټو ماته ورکړه.

پاکستان د اسټراليا په سفر دی چې هلته له اسټراليا لوبډلې سره د درې شل اوريزو او دوه ټېسټ سياليو لوبلړۍ ترسره کوي. د شل اوريزو لوبلړۍ دويمه سيالي د اسټراليا په کانبرا کې ترسره شوه.

په پيل کې د لوبې پچه پاکستان وګټله او لومړی يې د توپوهنې پرېکړه وکړه.

پاکستان په ټاکلو ۲۰ اورونو کې د ۶ لوبغاړو په سوځېدو ۱۵۰ منډې وکړې، چې له ډلې يې افتخار احمد ۶۲ ناسوځېدلې او بابر اعظم ۵۰ منډې وکړې. د اسټراليا له لوري اشټون اګر ۲، کين ريچارډسن او پاټ کومينز ۱-۱ لوبغاړی وسوځاوه.

د ۱۵۱ منډو د هدف په تعقيب کې که څه هم د اسټراليا توپوهونکي په پيل کې لږ کمزوري و، خو کله چې سټيوين سميت توپوهنې ته راووت نو چټکه توپوهنه يې پيل کړه او اسټراليا يې بريا ته ورسوله. د اسټراليا لوبډلې ياد هدف په ۱۸.۳ اورونو کې د ۳ لوبغاړو په سوځېدو پوره او پاکستان ته يې په ۷ ويکټو ماته ورکړه.

د اسټراليا له لوري سټيوين سميت ۸۰ ناسوځېدلې، بين مکډيرموټ ۲۱ او ډيويډ وارنر ۲۰ منډې وکړې. د پاکستان له لوري محمد عرفان، محمد وسیم او محمد عامر ۱-۱ ويکټ ترلاسه کړه.

د لوبې د غوره لوبغاړي جايزه سټیوين سميت ترلاسه کړه.

د يادولو ده چې په لومړۍ شل اوريزه لوبه کې باران پاکستان وژغوره او دغه لوبه بې پايلې پای ته ورسېده، همدا راز د درې شل اوريزو لوبو په لوبلړۍ کې اسټراليا د يوې بريا سره مخکې دی، چې دريمه او وروستۍ شل اوريزه لوبه به د نومبر په ۸مه نېټه د اسټراليا په پرت ښار کې ترسره کېږي.

دا هم ولولئ

نوين او شاهد، متيازې، سمندري کښتۍ او د يمن واده

د نوين، عامر او اپريدي شخړه، بابر اعظم، سمندري کښتۍ او نور هغه ١٠ راپورونه چې تېره اونۍ ډېر لوستل شوي

په خپلواک وېبپاڼه کې چې په تېره اونۍ کې کوم ١٠ راپورونه تر ټولو زيات …