کورپاڼه / تجارتي ليګونه / د پاکستان سوپر لیګ پاتې سیالۍ چېرته ترسره کېږي؟ پرېکړه يې وشوه
قېس احمد، مجيب الرحمان، محمد نبي، راشد خان او نور احمد

د پاکستان سوپر لیګ پاتې سیالۍ چېرته ترسره کېږي؟ پرېکړه يې وشوه

د پاکستان کرکټ بورډ د پاکستان سوپر لیګ (پي ایس ایل) د شپږم پړاو د پاتې  سیالیو د ترسره کېدو په اړه وروستۍ پرېکړه وکړه، چې په ابوظهبي کې به دا پاتې سیالۍ ترسره شي.

د پاکستاني رسنیو د راپورون په وېنا، چې په ابوظهبي کې د پي ایس ایل ۶م د پاتې لوبو ترسره کولو لیکلې اجازه نامه به هم څو ورځو کې حکومت ورکړي.

د ځينو سرچینو له قوله ویل شوي دي، چې د ټولو لوبډلو لوبغاړي به د مۍ په ۱۸ او ۱۹ نېټو په کراچۍ او لاهور کې د کورونا ټېسټونه وکړي. په ورپسې ورځ به د کراچۍ کنګز او کوټې ګلیډیټرز لوبډلې په کراچۍ، د پېښور زلمي، لاهور قلندرز، ملتان سلطانز او اسلام اباد یونایټیډ لوبډلې په لاهور کې هوټلونو کې دېره شي.

په راپور کې زیاته شوې ده، چې د مۍ په ۲۲مه نېټه به ټولې لوبډلې په دوه ځانګړو الوتکو کې ابوظهبي ته روانې شي، د کراچۍ او کوټې لوبډلې به د کراچۍ نه او د پېښور، لاهور، ملتان او اسلام اباد لوبډلې به د لاهور نه روانې شي.

ټول لوبغاړي چې ابوظهبي ته ورسېږي، نو هلته به د ۷ ورځو لپاره کرنټین وي، خو که چېرته د اماراتو حکومت دا کرنټین ۱۰ ورځې کړ، نو ښايي د سیاليو پیل دوه ورځې وځنډېږي. همدا راز ویل کېږي چې د ټولو لوبغاړو د واکسین لپاره هم غم خوړل کېږي.

د يادولو وړ ده چې د پاکستان سوپر لیګ شپږم پړاو سیالیو کې یو شمېر افغان لوبغاړي هم لوبېږي، راشد خان، محمد نبي، قېس احمد، مجیب الرحمان او نور احمد لکڼوال د دغه سیاليو په پیل کې بېلا بېلو لوبډلو اخیستي و، خو رحمان الله ګربز او نجیب الله ځدراڼ د پاتې سیالیو لپاره اخیستل شوي دي.

دا هم ولولئ

عزیزالله فضلي بیا د کرکټ بورډ عمومي رییس ټاکل کېږي

د افغانستان کرکټ بورډ مخکینی رییس عزیزالله فضلي یو ځل بیا کرکټ بورډ ته د …