کورپاڼه / خپلواک / د اکرام او رحمت د پنځوسیزو پر مټ افغانستان ۱۹۴ منډې وکړې

د اکرام او رحمت د پنځوسیزو پر مټ افغانستان ۱۹۴ منډې وکړې

خپلواک وېبپاڼه (۶ نومبر ۲۰۱۹): د افغانستان له لوري اکرام علي خېل او رحمت شاه په زړه پورې توپوهنه ترسره چې دواړو پنځوسیزې ووهلې او افغانستان د ویسټ انډیز لوبډلې ته د ۱۹۵ منډو هدف وټاکه.

د افغانستان او ویسټ انډيز ترمنځ د روانې لوبلړۍ لومړۍ یو ورځنۍ لوبه نن د افغانستان په وخت ماسپښین ۱ بجه د هند د لکنو ښار په ایکانا لوبغالي کې پيل شوه.

د افغانستان د پيل توپوهنه ډېره کمزورې وه، چې د پيل توپوهونکي حضرت الله ځاځی په ۹ او جاوېد احمدي په ۵ منډو وسوځېدل، خو رحمت شاه او اکرام علي خېل ذمه واره توپوهنه ترسره کړه او دواړو پنځوسیزې ووهلې چې تر سلو زیاتې منډې ملګرتیا يې وکړه او د افغانستان منډې يې ښه هدف ته ورروانې کړې، خو اکرام علي خېل په تېروتنه خپله ویکټ له لاسه ورکړه.

د اکرام علي خېل او رحمت شاه له سوځېدو وروسته، پرته له اصغر افغان هېڅ لوبغاړي ښه توپوهنه ترسره نه کړای شوه.

افغانستان د ټولو لوبغاړو په سوځېدو په ۴۵.۲ اورونو کې ۱۹۴ منډې وکړې او د ویسټ انډیز لوبډلې ته يې د ۱۹۵ منډو هدف وټاکه.

رحمت شاه ۶۱، اکرام علي خېل ۵۸، اصغر افغان ۳۵ او ګلبدین نایب ۱۷ منډې وکړې.

د ویسټ انډیز لپاره جېسن هولډر، چیس او شیفیرډ دوه دوه لوبغاړي وسوځول.

تر لنډې دمې وروسته به ویسټ انډیز د ۱۹۵ منډو د هدف پوره کولو لپاره توپوهنه پيل کړي.

څه فکر کوئ، افغانستان به د خپل ورکړل شوي هدف نه دفاع وکړای شي؟

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …