خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په سعودي عربستان کې په کلني ډول یو کس ۱۸۴ کلو ګرامه ترکاري یا سبزي ضایع کوي او په ټول هېواد کې بیا د کال ۳۳۵ زره ټنه سبزي ضایع کېږي.
د سعودي رسنیو د راپورونو په وېنا، په سعودي عربستان کې تر ټولو زیات رومیان، الوګان، پیاز او بادرنګ ضایع کېږي. په دې اړه يو ځانګړی راپور جوړ او خپور شوی دی.
په دغه راپور کې ویل شوي دي، چې د ترکارۍ یا سبزي د ضایع کېدو څخه د بچ کېدو لپاره پکار دا ده چې دا دې د کلو پر ځای د دانو په حساب وپلورل شي.
په راپور کې زیاته شوې ده، چې خلکو ته پکار دي چې د خپل ضرورت سره سمه ترکاري واخلي او کومه سبزي چې ورسره پاتې کېږي، له هغې نه دې کومه سلاته یا هم بل پخلی کوي.
په راپور کې له حکومت نه دا غوښتنه هم شوې ده، چې سبزیجات دې سخت او کلک وي، تر څو د ډېر وخت لپاره د استعمال وړ وي او د خرابېدو مخه يې ونیول شي. همدا راز هڅه دې وشي، چې سبزیجات په پلاسټیکونو کې بنده شي، چې ژر نه خرابېږي.
