کورپاڼه / تجارتي ليګونه / پي ایس ایل ۶: راشد خان یو ځل بیا د لاهور قلندرز سره یو ځای شو

پي ایس ایل ۶: راشد خان یو ځل بیا د لاهور قلندرز سره یو ځای شو

د پاکستان سوپر لیګ د شپږم پړاو پاتې لوبې د متحده عربي اماراتو په ابوظهبي کې ترسره کېږي، چې د جون په پنځمه نېټه به پيل شي.

راشد خان چې په دغه سیالیو کې د لاهور قلندرز لوبډلې لپاره لوبېده، د یاد لیګ د پیل په لومړنیو څو لوبو کې ولوبېده او بېرته راستون شو، نوموړی اوس د پاتې لوبو لپاره یو ځل بیا د لاهور قلندرز لوبډلې سره یو ځای شوی دی.


نن ټولو لوبډلو ځینې نور لوبغاړي هم واخیستل او د ۱۸ پر ځای يې د لوبغاړو شمېر ۲۰ شو، چې راشد خان هم یو ځل بیا په دې لړ کې د لاهور قلندرز لوبډلې سره یو ځای شو.


راشد خان به په پاتې ټولو لوبو کې د لاهور قلندرز لوبډلې سره وي او په ټولو لوبو کې به ولوبېږي. همدا راز ظاهر خان هم نن د کوټې ګلیډیټرز لوبډلې له خوا واخیستل شو.

د یادولو وړ ده چې له دوی پرته هم یو شمېر نور افغان لوبغاړي د پاکستان سوپر لیګ کې لوبېږي، خو محمد نبي او مجیب الرحمان به په پاتې سیالیو کې برخه وانخلي.

دا هم ولولئ

میتیو هیډن پر اسټرالیایي لوبغاړو سختې نېوکې کړي دي

میتیو هیډن د پاکستان د سفر پر مهال د اسټرالیا کرکټ لوبډلې د یوه ورځنیو …