کورپاڼه / تجارتي ليګونه / نجیب ځدراڼ: خوشحاله یم چې PSL کې لوبېږم، بابر اعظم مې خوښېږي، وسیم اکرم زما توپوهنه خوښوي
نجيب الله ځدراڼ

نجیب ځدراڼ: خوشحاله یم چې PSL کې لوبېږم، بابر اعظم مې خوښېږي، وسیم اکرم زما توپوهنه خوښوي

د افغانستان کرکټ ملي لوبډلې تکړه توپوهونکی نجیب الله ځدراڼ وايي، چې هغه ډېر خوشحاله دی چې په لومړي ځل د پاکستان سوپر لیګ کې لوبېږي.

نوموړي له یوې پاکستاني رسنۍ سره په خپله تازه مرکه کې ویلي دي، چې بابر اعظم د هغه د خوښې توپوهونکی دی او د وسیم اکرم د هغه توپوهنه خوښېږي.

نجیب الله ځډراڼ د پاکستان سوپر لیګ کې د کراچۍ کنګز لوبډلې لپاره لوبېږي، چې د یادې لوبډلې سره یو ځای شوی دی او تمرینات یې هم پیل کړي دي، د دې لوبډلې لوبډلمشري د پاکستان ملي لوبډلې لوبډلمشر او مخکښ توپوهونکی بابر اعظم کوي.

نوموړي په یاد لیګ کې په لوبېدو خوښي ښکاره کړې ده او ویلي یې دي، چې هڅه به کوي چې د دوی لوبډله د خپلې اتلولۍ څخه دفاع وکړي، ځکه دوی ښه لوبغاړي او همدا راز تکړه روزونکي هم لري.

د یادولو وړ ده چې د پاکستان سوپر لیګ (پي ایس ایل) شپږم پړاو پاتې لوبې د جون په ۹مه نېټه په ابوظهبي کې پیلېږي، چې ځینې نور مشهور افغان لوبغاړي هم پکې ګډون لري.

دا هم ولولئ

میتیو هیډن پر اسټرالیایي لوبغاړو سختې نېوکې کړي دي

میتیو هیډن د پاکستان د سفر پر مهال د اسټرالیا کرکټ لوبډلې د یوه ورځنیو …