کورپاڼه / خبرونه / محمد شهزاد په یو-یو ټېسټ کې ناکامه شوی دی
محمد شهزاد

محمد شهزاد په یو-یو ټېسټ کې ناکامه شوی دی

د افغانستان کرکټ ملي لوبډلې چټک توپوهونکی او ویکټ ساتونکی محمد شهزاد په یو-یو ټېسټ کې ناکامه شوی دی. نوموړي پرون دغه ټېسټ ورکړی دی.

د کرکټ بورډ یوه سرچینه وايي، چې پرون له یو شمېر لوبغاړو څخه د یو یو ټېسټ اخیستل شوی دی، چې ۷ ځوان لوبغاړي پکې بریالي شوي دي او محمد شهزاد پکې د ۱۴ نومرو په ترلاسه کولو سره ناکامه شوی دی.

پخواني لوبډلمشر اصغر افغان بیا په یو-یو ټېسټ کې برخه نه ده اخیستې. په یو-یو ټېسټ کې د بریا لپاره ۱۷.۳ نومرې پکار دي، چې باید یو لوبغاړی یې ترلاسه کړي.

د یادولو وړ ده چې د ۲۰۱۹ کال نړیوال جام پر مهال محمد شهزاد له انګلستان څخه بېرته افغانستان ته راولېږل شو، چې هغه بیا د کرکټ بورډ پر ضد څرګندونې وکړې او نوموړي باندې بیا یو کلن بندېز هم ولګېد.

محمد شهزاد له ۲۰۱۹ کال وروسته د افغانستان لپاره کومه لوبه نه ده ترسره کړې، د هغه بندېز هم تېر کال پای ته ورسېد او شپږیزه کرکټ لیګ کې هم ولوبېده، خو ملي لوبډله کې يې ځای پېدا نه کړ.

دا هم ولولئ

میتیو هیډن پر اسټرالیایي لوبغاړو سختې نېوکې کړي دي

میتیو هیډن د پاکستان د سفر پر مهال د اسټرالیا کرکټ لوبډلې د یوه ورځنیو …