کورپاڼه / خپلواک / محمد نبي يو ځل بيا د نړۍ غوره الراونډر شو
محمد نبي

محمد نبي يو ځل بيا د نړۍ غوره الراونډر شو

خپلواک وېبپاڼه (۱۱ نومبر ۲۰۱۹): د افغانستان کرکټ ملي لوبډلې تجربه لرونکی لوبغاړی محمد نبي د نړيوالو شل اوريزو الرونډرانو په لړ کې يو ځل بيا د نړۍ غوره الراونډر شو.

محمد نبي د روان کال سپتمبر مياشت کې د شل اوريزو لوبو په لړ کې دريم غوره الراونډر و، چې د کرکټ نړيوالې شورا په نوې درجه بندۍ کې يې يو ځل بيا لومړی مقام خپل کړ. هغه ۳۳۹ نومرې لري.

د کرکټ نړيوالې شورا د شل اوريزو الراونډرانو په نوې درجه بندۍ کې د دویمه درجه لوبډلو ډېری لوبغاړو هم ځای پېدا کړی دی، چې د ۲۰۲۰ نړيوال شل اوريز جام غوراوي لوبو کې ښه ځلېدلي دي.

د کرکټ نړيوالې شورا د شل اوريزو لوبو د الراونډرانو په لړ کې تر محمد نبي وروسته د اسټراليا ګلين ميکسويل، د سکاټلېنډ ريچارډ بيرينګټون او د بنګله دېش محمودالله راغلي دي.

په دغه درجه بندۍ کې په پنځم مقام د زمبابوې سین ويليمس، په شپږم مقام د عمان ذيشان مقصود، په اووم مقام د ايرلېنډ کيوين اوبراين، په اتم مقام د کينيا کولينس اوبيا، په نهم مقام د سويلي افريقا جی پي ډوميني او په لسم مقام د ايرلېنډ پال سټرلنګ راغلي دي.

د يادولو ده چې د شل اوريزو د توپوهونکو په درجه بندۍ کې د افغانستان ملي لوبډلې لوبډلمشر راشد خان په لومړي مقام دی، همدا راز مجيب الرحمان بيا په ۸م مقام باندې ځای لري.

د شل اوريزو د توپوهونکو په درجه بندۍ کې بيا يوازې حضرت الله ځاځي په لس غوره توپوهونکو کې خپل ځای پېدا کړی دی چې هغه په ۶م مقام باندې ځای لري.

Loading...

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …