کورپاڼه / روغتيا / آیا د لونګو له حیرانوونکو ګټو څخه خبر یاست؟

آیا د لونګو له حیرانوونکو ګټو څخه خبر یاست؟

لونګ له ډېر پخوا راهیسې نه یوازې دا چې د مسالې په توګه استعمالېږي بلکې د ډېرو ناروغیو لپاره د درملو حیثیت هم لري او په دودیز ډول د غاښونو د خرابوالي، د هضم لپاره او د خولې د بوی ختمولو لپاره استعمالېږي.

لونګ په بریاني، دالو، سوپ، چایو او نورو توکو کې د ښه بوی لپاره استعمالېږي، چې بې شمېره اړین ویټامینونه، معدني مواد او غذایي فایبر لري او د کالورۍ کچه یې ډېره لږه وي. دغه راز د انټي اکسایدو لرونکې وي چې چې د ازادو راډیکلونو مخنیوی کوي او د سرطان خطر کموي.

لونګ د هضم لپاره هم ډېر ګټور وي او د سینې سوخت، تېزابیت، بدهضمي او د زړه بدوالی ختموي او ترڅنګ یې د یوې څېړنې څخه معلومه شوې چې لونګ د انسولین حساسیت ختموي او د شکر کچه برابره ساتي.

لونګ د یوجینول او فلاوونایډ په درلودلو سره د هډوکو په پیاوړي کولو کې مرسته کوي نو هغه کسان چې د هډوکو کمزوري لري هغوی دې لونګ استعمال کړي. دغه راز لونګ د وینې سپین کرویات متحرک ساتي چې بیا د ناروغیو پر وړاندې مقابله کوي او وینه پاکوي.

او بله ګټه یې داده چې لونګ میکروب ضده ځانګړتیاوې لري او په همدې سبب د غاښونو درد، د ژامو ستونزې او د خولې د پولۍ کېدو اغېزمنه درملنه ده.

دا هم ولولئ

آیا خالص یا اصلي شات پېژنئ؟ په دې طریقه یې معلوم کړئ

شات د بدن د سلامتیا، روغتیا او د پوستکي د ښکلا ساتلو لپاره تر ټولو …