کورپاڼه / بېلا بېل / ځنګه کولی شو چې ځان له مچانو خوندي وساتو؟

ځنګه کولی شو چې ځان له مچانو خوندي وساتو؟

د اوړي په موسم کې د ښکلو او خوندورو مېوو ترڅنګ د مچانو سیزن هم راځي یا که بل عبارت سره ووایو نو د اوړي موسم مېوې له ځان سره د مچانو ډالۍ هم راوړي. له ماشو او مچانو تقریباً هر انسان تنګ وي، ځکه چې دغه حشرې له ځان سره چټلي خوروي.

که څه هم په بازارونو او دوکانونو کې د مچانو د له منځه وړلو سپرۍ او نور دارو، درمل موندل کېږي خو نن ورځ ځینې داسې نسخې درښیو، چې په عملي کولو سره به یې له مچانو لېرې اوسئ.

لومړی: په څلور پیالو سرکه کې شل څاڅکي د ریحان یا کشمالي تېل واچوئ او ترڅنګ یې شل څاڅکي د نعناع تېل هم ور واچوئ. دغه راز دوه کاچوغې د زیتون تېل او یوه کاچوغه د لوښو وینځلو پوډر ور واچوئ او د کور پر شاوخوا یې وشیندئ.

دویم: څو دانې لونګ راواخلئ او په لېمو کې یې کېږدئ، د لونګو او لېمو خوشبو د مچانو نه خوښېږي او کوم ځای کې چې دغه ډول بوی وي نو مچان په تېښته بریالي کېږي.

دریم: د ریحان یا کشمالي خوشبو د مچانو نه خوښېږي خو انسانان یې بیا خوښوي، نو که چېرته د کور په دروازه کې د ریحانو بوټي وکرل شي او د مچانو راتګ تر ډېره کموي.

دا هم ولولئ

غني خان او مولانا محمد یوسف

مولانا محمد یوسف: غني خان د الله ولي و

د خېبر پښتونخوا مشهور مولانا محمد یوسف بونېری وايي، چې د پښتو ژبې مشهور شاعر …