کورپاڼه / خبرونه / شعېب اختر: د نړیوال شل اوریز جام نیمه پایلوبو ته به افغانستان لار پېدا کوي
شعېب اختر

شعېب اختر: د نړیوال شل اوریز جام نیمه پایلوبو ته به افغانستان لار پېدا کوي

د پاکستان کرکټ ملي لوبډلې پخواني چټک توپ اچونکي شعېب اختر د نړیوال شل اوریز جام نیمه پایلوبو ته د ۴ لوبډلو د تګ په اړه وړاندوینه کړې ده.

شعېب اختر چې په یوټیوب کې یو چېنل چلوي او د کرکټ په اړه ویډیوګانې خپروي، په یوه تازه ویډیو کې یې د څلور لوبډلو نومونه اخیستي دي، چې نړیوال شل اوریز جام نیمه پایلوبو ته به لار پېدا کړي.

په دې لړ کې هغه ویلي دي، چې د افغانستان، هند، پاکستان او ویسټ انډیز هغه لوبډلې دي، چې ښې لوبې به ترسره کړي او د نړیوال شل اوریز جام نیمه پایلوبو ته به ورسېږي.

هغه په خپلو خبرو کې بیا دا هم ویلي دي، چې پایلوبه به د پاکستان او هند لوبډلو ترمنځ ترسره شي او پاکستان به هند ته د ماتې په ورکولو سره د نړیوال شل اوریز جام اتلولي خپله کړي.

د یادولو وړ ده چې د کرکټ نړیوالې شورا د نړیوال جامونو په برخه کې د پاکستان او هند ترمنځ تل هند بریالی شوی هېواد دی او پاکستان ډېر کمزوری ثابت شوی دی.

دا هم ولولئ

آیا په نړیوال جام د ځینو لوبغاړو له په زړه پورو نومونه سره اشنا یاست؟

د کرکټ نړیوالې شورا له لورې سږ کال په متحده عربي اماراتو او عمان کې …