کورپاڼه / سياست او روانې چارې / په ولسي جرګه کې د کونړ د خلکو استازی: قسم چې طالب پنجابی نه وای، نن مې اتڼ کاوه
جاوېد ساپی

په ولسي جرګه کې د کونړ د خلکو استازی: قسم چې طالب پنجابی نه وای، نن مې اتڼ کاوه

په ولسي جرګه کې د کونړ د خلکو استازي جاوېد ساپي په خپل یو پوسټ کې ویلي دي چې که چېرته طالب پنجابی نه وای، نو هغه به نن اتڼ کولو.

هغه دا خبره د هغه عکس سره لیکلې ده، په کوم عکس کې چې لیدل کېږي چې طالبانو د مارشال عبدالرشید دوستم کور نیولی دی او یو طالب پکې د دوستم دریشي هم په تن کړې ده.

جاوېد ساپي د دوستم په کور کې د طالبانو دغه عکس په خپل فېسبوک اکاونټ کې خپور کړی دی او د خپلو خبرو پیل یې د پښتو د یوې ټپې څخه کړی دی: ما درته ویل بوره به یې نه کړې، د یارانې خبرې ډېرې ګرانې دینه.

له هغه وروسته جاوېد ساپي لیکلي دي: ((والي نه منم، رییس امنیت ملي نه منم، د مرکزي حکومت هیڅ پرېکړه نه منم، خو امتیاز له هر چا ډېر اخلم. څوک چې د نظام د ملا په تیر کې د ماتې مورې د درد په توګه وجود لري، همداسې به ملا کړوپي او بېکاره وي. قسم چې تالب پنجابی نه وای، نن مې اتڼ کاوه.))

د یادولو وړ ده چې د دوستم په کور کې د طالبانو دغه عکس په ټولنیزو رسنیو کې له پرون راهیسې ډېر ښکته پورته کېږي، چې د هغه د مارشالۍ دریشي پکې یو طالب اچولې ده، همدا راز د دوستم په کور کې جوړې شوې ویډیوګانې هم په ټولنیزو رسنیو کې خپرې شوې دي.

دا هم ولولئ

عبدالله عبدالله

ډاکتر عبدالله عبدالله هم چوپتیا ماته کړه او ویلي دي چې د زور له لارې په نورو خپلې غوښتنې منل، ښې پایلې له ځان سره نه لري

د هېواد د ملي مصالحې عالي شورا مشر ډاکتر عبدالله عبدالله هم بالاخره چوپتیا ماته …