کورپاڼه / تجارتي ليګونه / شپږیزه: کرکټ بورډ د مس عینک لوبډله په غېر قانوني ډول په بل سوداګر پلورلې
فرهان يوسفزى او شاپور ځدراڼ

شپږیزه: کرکټ بورډ د مس عینک لوبډله په غېر قانوني ډول په بل سوداګر پلورلې

د افغانستان کرکټ بورډ د راتلونکي پړاو شپږیزه کرکټ لیګ لپاره یو ځل بیا د لوبډلو په پلورلو پیل کړی دی، خو ویل کېږي چې شاپور ځدراڼ اړوند د مس عینک لوبډله یې په غېر قانوني توګه په یو بل سوداګر پلورلې ده.

د معلوماتو له مخې، ویل کېږي چې شاپور ځدراڼ سره د یادې لوبډلې لپاره درې کلن قرارداد شوی و، خو کرکټ بورډ یو کال وروسته اوس دغه لوبډله په یو بل سوداګر باندې پلورلې ده.

ورشي خبریال ابراهیم مومند هم په دې اړه لیکلي دي او وايي چې د شاپور ځدراڼ او کرکټ بورډ ترمنځ له دې امله ستونزه راولاړه شوې ده او کرکټ بورډ له شاپور ځدراڼ غوښتي دي، چې په دې اړه دې ورسره کېني چې خبرې ورسره وکړي.

بلخوا دا هم ویل شوي دي، چې د بند امیر لوبډلې مالک وفا مل احمدزي هم له دې امله لوبډله پرېښې ده، چې له هغه سره کرکټ بورډ درې کلن تړون کړی و، خو اوس یې کرکټ بورډ بیا د پلورلو اعلان کړی دی.

د یادولو وړ ده چې تېر کال هم یوه لوبډله تر پای پورې نه وه پلورل شوې، سږکال بیا تراوسه پورې درې لوبډلې پلورل شوي دي، چې د لوبډلو مالکانو په ټولنیزو رسنیو کې معلومات خپاره کړي دي، خو کرکټ بورډ تراوسه په دې اړه څه نه دي ویلي.

دا هم ولولئ

د هند کرکټ لوبډلې مشر روزونکی روي شاستري هم له نړیوال جام وروسته استعفاء کوي

د هند مشهورې ویبپاڼې کریک ټریکر د راپور پر اساس ویل کېږي، چې د هند …