کورپاڼه / خبرونه / د افغانستان، ویسټ انډیز او استرالیا ترمنځ درې اړخېزه لوبلړۍ لغوه شوې

د افغانستان، ویسټ انډیز او استرالیا ترمنځ درې اړخېزه لوبلړۍ لغوه شوې

د افغانستان، ویسټ انډیز او استرالیا ترمنځ درې اړخېزه، شل اوریزه لوبلړۍ، چې د افغانستان په کوربتوب ترسره کېده، لغوه شوې.

د سډني مارنینګ په نوم یوې استرالیایي رسنۍ ویلي دي، چې د افغانستان، ویسټ انډیز او استرالیا ترمنځ درې اړخېزه د شل اوریزو لوبلړۍ لغوه شوې او روانۍ اوونۍ به یې په اړه رسمي اعلان هم وشي.

په راپور کې راځي چې د استرالیا کرکټ بورډ غواړي، چې لوبغاړي د هند په تجارتي لیګ (ای پي ایل) ګډون وکړي او په اماراتو کې د ترسره کېدونکې نړیوال جام ته ښه چمتوالی ونیسي.

ټاکل شوې وه چې دغه لوبلړۍ د افغانستان په کوربتوب په هند کې ترسره شي، خو په هند کې د کورونا وایروس په سبب ونه شوې او کرکټ هڅه کوله، چې په سریلانکا کې یې ترسره کړي، خو اوس یې د لغوه کېدو خبر راغی.

د یادولو وړ ده چې له دې وړاندې د انګلستان کرکټ بورډ هم له بنګله دیش سره خپلې لوبې ځنډولي او لامل یې دا ښودلی و، چې لوبغاړي یې په ای پي ایل کې ګډون کوي.

دا هم ولولئ

اصغر افغان

اصغر افغان د ملي لوبډلې د بریا مبارکي ویلي او د بریا راز یې پر ځان باور او پوره تدبیر ګڼلی

د کرکټ ملي لوبډلې پخواني لوبډلمشر اصغر افغان د هالېنډ لوبډلې پر وړاندې د یوه …