کورپاڼه / سياست او روانې چارې / ولسمشر: زه د معاملې سړی نه یم، پروپاګند ته غوږ مه نیسئ
ولسمشر غني

ولسمشر: زه د معاملې سړی نه یم، پروپاګند ته غوږ مه نیسئ

ولسمشر محمد اشرف غني یو ځل بیا په خپلو څرګندونو کې ویلي دي، چې هغه د معاملې سړی نه دی او له هېوادوالو یې هیله کړې چې پروپاګندونو ته دې غوږ نه نیسي.

د ارګ له لوري په خپره شوې خبرپاڼه کې ویل شوي دي، چې ولسمشر محمد اشرف غني نن د (هر ځوان یو سرتېری) سرلیک لاندې د ځوانانو نړیوالې ورځې نمانځنې په غونډه کې وویل،  نن تاسې د افغان ملت غږ چې الله اکبر دی، ووایه. ستاسې د دې غږ مفهوم په دې شرایطو کې زموږ د وطن، نظام او د ژوند د طریقې جمعي درک دی.

هغه په خپلو خبرو کې زیاته کړه: ((الله اکبر زموږ د ملي یووالي شعار دی، پر خدای (ج) اتکا او زموږ د ملي ارادې مسیر ټاکي، پر بین المللي ټولنې د اتکا ورځې پایته رسېدلي او خپله افغانان تصمیم نیسي.))

ولسمشر دا هم وویل: ((د الله اکبر په نعره خپل ملي هویت او اسلامي ارزښتونه تمثیلوو، دښمن دې پر دې پوه شي چې موږ شاتګ نه کوو. هغه د ټکنالوژۍ د انکشاف سرعت ته په اشارې وویل، اوس د دې وخت رارسېدلی چې زموږ ځوانان د خاورې لپاره خپله ژمنتیا تازه کړي.))

ولسمشر په خپلو خبرو کې وویل: ((جمهوررئیس غني وویل، کاذب روایتونه وېره ایجادوي. دې پروپاګند ته چې ګویا معامله شوې غوږ مه نیسئ، ځکه زه د معاملې سړی نه یم، صادق روایت رامنځته شوی چې تاسې یې مخکښان  او له حاشیې متن ته راغلي یاست.))

دا هم ولولئ

حاجي سید احمد سېلاب؛ هغه څوک چې د ولس سره په غم او ښادۍ کې ولاړ دی

د جمهوري دولت په پارلمان کې د کندهار د خلکو استازي حاجي سید احمد سېلاب …