کورپاڼه / خپلواک / د سويلي افريقا پخواني لوبغاړي ژاک کېلس نيمه ږيره او بريت ولې پرېښي؟
ژاک کېلس

د سويلي افريقا پخواني لوبغاړي ژاک کېلس نيمه ږيره او بريت ولې پرېښي؟

خپلواک وېبپاڼه (٣٠ نومبر ٢٠١٩): د سويلي افريقا پخواني الراونډر ژاک کېلس نيمه ږيره او نيمه برېت پرېښي دي چې په دې سره يې ټول خلک حېرانه کړي دي.

د راپورونو په وينا، د سويلي افريقا پخواني الراونډر ژاک کېلس چې کله د نيمه ږيرې او نيمه برېتو سره خپل انځور په ټولنيزو رسنيو کې خپور کړ، نو که يو لوري ته د هغه مينه والو د حېرانۍ څرګندونه وکړه، نو بل لوري ته د هغوى په ذهن کې دا پوښتنه هم راپورته شوه، چې اخر ژاک کېلس ولې داسې کړي دي؟

ژاک کېلس د خپلو مينه والو د حېرانۍ ختمولو لپاره په خپل ټويټر کې وليکل، چې راتلونکې څو ورځې به ډېرې په زړه پورې وي، او دا هر څه به د ګېنډا يا کرګدن (يو ښکرى غټ ځناور) او د ګالف لوبې د ښې لپاره وي.


د يادولو ده چې ژاک کېلس په سويلي افريقا کې په تېزۍ سره د ګېنډا يا کرګدن د ختمېدونکي نسل د ساتلو لپاره د (سيو دي رهينو) کمپاين پيل کړى دى، تر څو د دوى د نسل ساتنه وکړاى شي.

د سويلي افريقا دغه پخواني الراونډر نه يوازې دا چې خپله نيمه ږيره او نيمايي بريت خرييلي دي، بلکې د سينې نيمايي ويښته يې هم ليرې کړي دي او غواړي چې په دې توګه په خلکو کې عامه پوهاوى ترسره کړي او د کرګدن د نسل ساتلو لپاره چنده هم راغونډه کړي.

ژاک کېلس د سويلي افريقا لپاره ١٦٦ ټېسټ لوبو، ٣٢٨ يو ورځنيو او ٢٥ شل اوريزو لوبو کې ګډون کړى دى، چې د هغه نوم تر شچن ټنډولکر وروسته په ټېسټ سياليو کې د ډېرو سليزو وهونکو کسانو په کتار کې راځي.

دا هم ولولئ

آیا د خېټې د درد په سببونو پوهېږئ؟

د خېټې یا معدې درد یوه داسې ستونزه ده چې ډېری خلک پرې اخته کېږي …