کورپاڼه / منظور پښتين: د پښتون وطن د جوړولو په هڅو کې يو جاپاني خپل سر وبايلو

منظور پښتين: د پښتون وطن د جوړولو په هڅو کې يو جاپاني خپل سر وبايلو

خپلواک وېبپاڼه (٤ دسمبر ٢٠١٩): د پښتون ژغورنې غورځنګ مشر منظور پښتين په جلال اباد کې د جاپاني الاصله افغان ډاکټر ناکامورا پر وژنه باندې خواشيني څرګنده کړې ده او ويلي يې دي چې د پښتون وطن د جوړولو په هڅو کې يو جاپاني خپل سر وبايلو.

منظور پښتين چې په خپله فېسبوکپاڼه يې د ډاکټر ناکامورا د وژنې په تړاو پوسټ کړى دى، هغه په خپل پوسټ کې ليکلي دي: ((يو مېلمه و، چې ننګرهار يې وليدو نو دومره خوند يې ورکړو، چې عمر يې دلته تېروو، جاپان ته به تللو، هلته به يې چندې کولې او په هغو پېسو يې د پښتنو خاوره جوړوله او خلکو ته يې د کروندې کارونه سمول.))

دا هم ولولئ:

د ابادۍ اتل ډاکټر ناکامورا څوک و؟

د ډاکټر ناکامورا جسد دې افغانستان او جاپان په بېرغونو وپوښل شي

علي وزير: نړۍ او انسانيت به د ناکامورا خدمتونه ياد ساتي

هغه همدا راز په خپلو خبرو کې زياته کړې ده، چې يو ځل افغانستان ته راغى، بيا دلته و او نن وسلوالو ووژلو.

منظور پښتين مخکې ليکي: ((زموږ د پښتنو خاورې ته اکثر چې څوک راځي نو د جنګ لپاره راځي، خو ناکامورا د کروندې کارونو ته راغلى و، سرکونه، کانالونه او حتا چې جومات يې هم جوړ کړى و.))

نوموړى په خپلو خبرو کې زياتوي چې ناکامورا د پښتنو خاورې لپاره کار کولو او ژوند يې ورکړو. هغه وايي چې الله دې وکړي چې موږ د خپل وطن لپاره په اخلاص سره کار وکړو.

د ډاکټر ناکامورا وژنې افغانان ولړزول، چې د هغه پر وژنه يې سخت خپګان ښکاره کړ. همدا راز د پښتون ژغورنې غورځنګ يو بل مشر علي وزير هم د هغه په اړه په خپل يو ټويټ کې ليکلي و، چې د ډاکټر ناکامورا د ننګرهار لپاره کړي خدمتونه به ټوله نړۍ او ټول انسانيت ياد ساتي.

دا هم ولولئ

که چېرته غواړئ ښه ژوند ولرئ؛ په منظم ډول پارکونو او باغونو ته لاړ شئ

د اسټسنفرډ پوهنتون ساینسپوهانو ادعا کړې چې که چېرته غواړئ روغ او جوړ اوسئ نو …