خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
په جرمني یا المان کې جوماتونو ته اجازه ورکړل شوه چې له دې وروسته په لاسپیکرونو کې اذان کولی شي. دې کار مسلمانان ډېر خوشحاله کړل.
د معلوماتو له مخې، دا کار د جرمني په کولن ښار کې شوی دی او په دغه ښار کې د ښاروالې له خوا په دې اړه اعلان هم شوی دی.
د کولن ښار ښاروالې څه وخت مخکې په یو ټویټ کې دا هم ویلي و، چې جوماتونو ته په لاسپیکر کې د اذان اجازې ورکول د دوی د درناوي په معنا دي.
د جرمني په قانون کې دا هم شته چې د جومات لپاره به په لاسپیکر کې د اذان کولو لپاره جواز اخلي چې د دوه کلونو لپاره وي او په هغې کې ورته ټول د غږ د سرعت او نورې لارښوونې هم شوې دي.
خو بلخوا د کولن ښارواله هنریته ریکر وايي، چې دلته خلک بهر د کلیسا د زنګونو اوازونه هم اوري، نو ښه خبره ده چې مسلمانان اذان هم واوري او دا د مذهبي ازادۍ نښه ده.
