خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
هغه (۱۲) کلن انجلۍ ریبیکا، چې په نړیوال شل اوریز جام کې لوبېدونکې لوبډلې سکاټلېنډ ته یې لباس جوړ کړی، د خلکو د پام وړ ګرځېدلې ده.
د یادونې وړ ده، چې د سکاټلېنډ لوبډله د نړیوال جام په اول پړاو کې لوبېږي، چې له هغه ځایه به سوپر (۱۲) پړاو ته کوالیفای کوي، چې هلته یې لومړۍ لوبه هم ګټلې ده.
که له یوې خوا د سکاټلېنډ لوبډلې په جوړښت بحثونه کېږي او دا لوبډله یوه غوره لوبډله ګڼي، نو له بلې خوا لباس هم ډېر ساتل کېږي.
د سکاټلېنډ لوبډلې دا لباس یوې دولس کلنې انجلۍ جوړ کړی او پر ټولنیزو رسنیو یې د خلکو پام ځانته اړولی دی. کله چې سکاټلېنډ په نړیوال جام کې له بنګله دېش لوبه وګټله نو ریبیکا ډاوني د خپلې لوبډلې لباس په تن او پر ټولنیزو رسنیو خپور کړ، چې بیا په تلویزون هم راڅرګنده شوه.
د سکاټلېنډ کرکټ هم د نوموړې عکس خپور کړی او ترڅنګ یې لېکلي ول چې دا یې د لباس جوړونکې ده او د کرکټ نړیوالې شورا هم د ریبیکا کار ستایلی دی.
