کورپاڼه / د لوبو راپورونه / افغانستان، ویسټ انډیز، پاکستان، سویلي افریقا او سریلانکا، ایرلېنډ ته هدف وټاکه

افغانستان، ویسټ انډیز، پاکستان، سویلي افریقا او سریلانکا، ایرلېنډ ته هدف وټاکه

افغانستان د ویسټ انډیز لپاره د ۱۹۰، پاکستان د سویلي لپاره د ۱۸۹ او سریلانکا د ایرلېنډ لپاره د ۱۷۲ منډو هدف وټاکه.

افغان لوبډلې د پچې تر ګټلو وروسته توپ وهنه غوره کړه، چې په تاکلو شل اورونو کې یې د شل اورونو کې یې د ۵ لوبغاړو په سوځېدو ویسټ انډیز ته د ۱۹۰ منډو هدف وټاکه.

د افغانستان لپاره حضرت ځاځي ۵۶، محمد شهزاد ۵۴، رحمن الله ګربز ۳۳ او نجیب ځدران ۲۳ زیاتې منډې وکړې. د ویسټ انډیز لخوا میکوی دوه ویکټې ترلاسه کړې.

بله لوبه کې پاکستان لومړۍ توپ وهنه وکړه او په شل اورونو کې یې د ۶ لوبغاړو په سوځېدو د سویلي افریقا لوبډلې ته د ۱۸۹ منډو هدف وټاکه، چې له ډلې یې فخر زمان ۵۲ او اصف علي ۳۲ زیاتې منډې وکړې، د سویلي افریقا لخوا رباډا درې ویکټې ترلاسه کړې.

بل لوري ته سریلانکا په لومړۍ توپ وهنې سره په تاکلو شل اورونو کې د ۷ لوبغاړو په سوځېدو ایرلېنډ ته د ۱۷۲ منډو هدف وټاکه، چې له ډلې یې پاتم نیسانکا ۶۱ او ونیندو هسرنګا ۷۱ منډې وکړې. د ایرلېنډ لپاره جوش لیټل څلور ویکټې واخیستې.

دا هم ولولئ

د فوټبال مشهور کلب د اماراتو په نوي پیلېدونکي شل اوریزه لیګ کې لوبډله واخیسته

د مانچیسټر یونایټیډ فوټبال کلب مالک د عربي اماراتو په نوي پیلېدونکې شل اوریزه لیګ …