کورپاڼه / د لوبو راپورونه / سریلانکا، ایرلېنډ ته په ماتې ورکولو دویم پړاو ته لار وموندله او سویلي افریقا په تمریني لوبه کې پاکستان مات کړ

سریلانکا، ایرلېنډ ته په ماتې ورکولو دویم پړاو ته لار وموندله او سویلي افریقا په تمریني لوبه کې پاکستان مات کړ

د نړیوال جام د اول پړاو سیالیو په لړ کې سریلانکا ایرلېنډ ته ماتې ورکړه او سوپر (۱۲) پړاو ته لار وموندله او د سوپر (۱۲) پړاو په تمریني لوبه کې سویلي افریقا پاکستان مات کړ.

بله لوبه کې پاکستان لومړۍ توپ وهنه وکړه او په شل اورونو کې یې د ۶ لوبغاړو په سوځېدو د سویلي افریقا لوبډلې ته د ۱۸۹ منډو هدف وټاکه، چې له ډلې یې فخر زمان ۵۲ او اصف علي ۳۲ زیاتې منډې وکړې، د سویلي افریقا لخوا رباډا درې ویکټې ترلاسه کړې.

سویلي افریقا یاد هدف په وروستي اور کې د څلورو لوبغاړو په سوځېدو پوره کړ او پاکستان ته یې ماتې ورکړه، چې له ډلې یې ټمبا بویما ۴۶ او وان در دوسن ۱۰۱ ناسوځېدلې منډې وکړې. د پاکستان لپاره عماد وسیم او شاهین افریدي دوه-دوه ویکټې ترلاسه کړې.

بل لوري ته سریلانکا په لومړۍ توپ وهنې سره په تاکلو شل اورونو کې د ۷ لوبغاړو په سوځېدو ایرلېنډ ته د ۱۷۲ منډو هدف وټاکه، چې له ډلې یې پاتم نیسانکا ۶۱ او ونیندو هسرنګا ۷۱ منډې وکړې. د ایرلېنډ لپاره جوش لیټل څلور ویکټې واخیستې.

ایرلېنډ لوبډلې ونشو کړای چې یاد هدف ترلاسه کړي او د ټولو لوبغاړو په سوځېدو یې ۱۰۱ منډه وکړه، چې له ډلې یې اندي بلبیرني ۴۱ زیاتې منډې وکړې او د ایرلېنډ لپاره مهیش تیکشانا درې، لیهرو کمارا او کارونارتني دوه-دوه ویکټې ترلاسه کړې.

دا هم ولولئ

د لوبڅار له لورې په جالب اندازه کې د وایډ بال ورکولو ویډیو خپره شوې

په کرکټ کې وایډ بال، نو بال، شپږیزې او څلوریزې د لوبڅار له لورې د …