کورپاڼه / ريکارډونه / نړيوالو لوبو کې د محمد نبي ريکارډ، چې کوهلي، اپريدى، حفيظ، روهيت، ګيل او واټسن يې شاته پرېښي

نړيوالو لوبو کې د محمد نبي ريکارډ، چې کوهلي، اپريدى، حفيظ، روهيت، ګيل او واټسن يې شاته پرېښي

د افغانستان کرکټ ملي لوبډلې تجربه کاره لوبغاړى محمد نبي په نړيوالو شل اوريزو لوبو کې يو ستر ريکارډ په خپل نوم لري، چې په دې برخه کې له ويراټ کوهلي، شاهد اپريدي، محمد حفيظ، روهيت شرما، کريس ګيل او شين واټسن څخه هم مخکې دى.

محمد نبي په نړيوالو شل اوريزو لوبو کې تر ټولو زيات ځلې د غوره لوبغاړي جايزې ترلاسه کړې دي، چې په دې برخه کې تر ټولو مخکښ دى، همدا راز د هند کرکټ ملي لوبډلې لوبډلمشر او مخکښ توپوهونکي ويراټ کوهلي هم د محمد نبي هومره ځلې د غوره لوبغاړي جايزې ترلاسه کړې دي، خو په ليسټ کې يې نوم تر محمد نبي وروسته دى.

محمد نبي له ٢٠١٠ کال څخه تر ٢٠٢٠ کال پورې په ٧٨ نړيوالو شل اوريزو لوبو کې ١٢ ځلې د غوره لوبغاړي جايزه اخيستې ده، خو ويراټ کوهلي بيا په ٨٣ لوبو کې ١٢ ځلې غوره لوبغاړى نومول شوى دى.

محمد نبي په نړيوالو شل اوريزو لوبو کې د نړۍ لومړى مقام لرونکى الراونډر لوبغاړى دى، همدا راز په نړيوالو يو ورځنيو لوبو کې هم نوموړى د الراونډرانو په برخه کې تر شکيب الحسن وروسته دويم مقام لري.

له محمد نبي او ويراټ کوهلي وروسته بيا د پاکستان پخواني الراونډر لوبغاړي شاهد اپريدي ١١ ځلې د غوره لوبغاړي جايزه اخيستې ده، هغه په ٩٩ لوبو کې دا جايزې ترلاسه کړې دي.

د زيات ځل غوره لوبغاړي جايزه اخيستونکي لوبغاړي

بل پاکستانى لوبغاړى محمد حفيظ دى چې په ٩٦ لوبو کې يې ١٠ ځلې د غوره لوبغاړي جايزې ترلاسه کړې دي، همدا راز د هند مخکښ توپوهونکي روهيت شرما بيا په ١٠٨ لوبو کې ١٠ ځلې ځل د لوبې غوره لوبغاړى نومول شوى دى.

د ويسټ انډيز پخوانى مخکښ او چټک توپوهونکى کريس ګيل بيا په دې ليسټ کې په شپږم مقام کې دى، چې په ٥٨ لوبو کې يې ٩ ځلې د غوره لوبغاړي جايزه اخيستې ده، د اسټراليا شين واټسن هم په ٥٨ لوبو کې ٩ ځلې ځل غوره لوبغاړى اعلان شوى دى او د افغانستان پيليز توپوهونکى او ويکټ ساتونکى محمد شهزاد بيا په ٦٥ لوبو کې ٩ ځلې د غوره لوبغاړي جايزه اخيستې ده. د اسټراليا پيليز توپوهونکي ډيويډ وارنر بيا په ٨١ لوبو کې ٩ ځلې د غوره لوبغاړي جايزه په خپل نوم کړې ده.

Loading...

دا هم ولولئ

نور احمد لکڼوال

نور احمد لکڼوال په بيګ باش ليګ کې تاريخ جوړ کړ

د افغانستان کم عمره لوبغاړى نور احمد لکڼوال چې نن يې په بيګ باش ليګ …