کورپاڼه / سياست او روانې چارې / د تورخم دروازه د تګ راتګ لپاره خلاصه شوه
تورخم

د تورخم دروازه د تګ راتګ لپاره خلاصه شوه

له اوږدې مودې وروسته د تورخم دروازه د تګ راتګ لپاره خلاصه شوه او له نن څخه افغانان کولای شي چې د تورخم له لارې پښتونخوا او پاکستان ته لاړ شي.

د پاکستاني رسنیو د راپورونو په وېنا، د تورخم دروازه د هغه افغانانو پر مخ خلاصه شوې ده، چې د پاکستان انلاین یا سټیکر ویزې ولري.

د تورخم له لارې نه یوازې دا چې ډېری ناروغان پښتونخوا او پاکستان ته د درملنې لپاره ځي، بلکې ډېری افغانان د کارونو په موخه هم دغه هېواد ته سفر کوي او محصلین هم تګ راتګ کوي.

د تورخم دروازې د پرانیستل کېدو خبر وروسته له هغې ورکړل شوی دی، چې د پاکستان د بهرنیو چارو وزیر شاه محمود قریشي نن له یو هیت سره د کابل سفر وکړ.

د تورخم دروازې په خلاصېدو ډېری خلکو خوښي هم ښکاره کړې ده، تر دې پورې چې د ننګرهار مخکیني والي ضیا الحق امرخیل دا یو نیک اقدام بللی دی.

دا هم ولولئ

حاجي سید احمد سېلاب

د مجردانو وکیل دا ځل په هلمند کې د ۱۰۰ بې وزله زومانو ډلییز ودونه کوي

په تېر حکومت کې د پارلمان غړی او د بې وزله خلکو سره مرسته کوونکی …