کورپاڼه / د لوبو راپورونه / سریلانکا د اول پړاو وروستۍ لوبه په ریکارډ جوړولو سره وګټله

سریلانکا د اول پړاو وروستۍ لوبه په ریکارډ جوړولو سره وګټله

سریلانکا لوبډلې د لومړي پړاو وروستۍ لوبه د ریکارډ په جوړولو سره پای ته ورسوله او د سوپر (۱۲) سیالیو ته په لوړ مقام سره داخله شوه.

دغه لوبه چې د متحده عربي اماراتو په شارجه کرکټ لوبغالي کې د هالېنډ او سریلانکا ترمنځ ترسره شوه، هالېنډ په لومړۍ توپ وهنې سره په ۱۰ اورونو کې ټول لوبغاړي له لاسه ورکړل او سریلانکا ته یې د ۴۵ منډو هدف وټاکه.

د هالېنډ له لورې کولین اکیرمان ۱۱ ترټولو زیاتې منډې وکړې او د سریلانکا لپاره لیهرو کمارا ۳ اورونو کې ۷ منډې ورکړې او درې لوبغاړي وسوځول. ونیندو هسرنګا بیا ۳ اورونو کې ۹ منډې وکړې او درې لوبغاړي یې وسوځول او ترڅنګ یې مهیش تیکشینا دوه لوبغاړي وسوځول.

سریلانکا لوبډلې یاد هدف د دوه لوبغاړو په سوځېدو په ۷.۱ اورونو کې لاسته راوړ او هالېنډ ته ستر ماتې ورکړه، چې له ډلې کوشال پریرا ۳۳ ناسوځېدلې منډې وکړې.

د یادولو وړ ده، چې دا دویم ځل دی چې سریلانکا د هالېنډ لوبډله په کومو منډو راټولوي، له دې وړاندې د ۲۰۱۴ کال نړیوال شل اوریز جام پرمهال هم په ۱۰.۳ اورونو کې په ۳۹ منډو سوځېدلې وه.

دا هم ولولئ

لانس کلوزنر د ملي لوبډلې له روزنې لاس واخیسته

د افغانستان کرکټ ملي لوبډلې مشر روزونکې لانس کلوزنر پرېکړه کړې، چې نور به د …