کورپاڼه / خبرونه / اشرف غني له کپتان محمد نبي سره په ټیلیفون خبرې وکړې
اشرف غني او محمد نبي

اشرف غني له کپتان محمد نبي سره په ټیلیفون خبرې وکړې

د افغانستان مخکیني ولسمشر محمد اشرف غني د افغانستان کرکټ ملي لوبډلې له بریا وروسته د لوبډلې کپتان محمد نبي سره په ټیلیفون خبرې کړې دي او مبارکي یې ورکړې ده.

افغانستان پرون په نړیوال شل اوریز جام کې خپله لومړۍ لوبه د سکاټلېنډ پر وړاندې ترسره کړه، چې د ۱۳۰ منډو په ستر توپیر یې ماتې ورکړه.

د لوبې له بریا وروسته د اشرف غني له خوا د هغه په رسمي فیسبوکپاڼه هم د لوبې د بریا یو پوسټ شوی و، چې ټول ملت ته یې په دغه ستره بریا مبارکي ورکړې وه.

اوس د اشرف غني د ټیم یو کس محبوب شاه محبوب په خپله فیسبوکپاڼه کې لیکلي دي، چې هغه له محمد نبي سره په ټیلیفون خبرې وکړې او د لوبې د بریا مبارکي یې ورکړه.

هغه لیکلي دي: ((ولسمشر غني له محمد نبي سره په ټیلفوني خبرو کې له ټولو لوبغاړو مننه وکړه. ولسمشر د کرکټ لوبغاړي افغان ولس ته خوشحالي ورکوونکي استازي بللي او زیاته کړې یې ده چې د یوه ویښ ملت په استازیتوب افغان لوبډلې نړۍوالو ته دا وښوده چې هېڅوک افغان ولس یرغمل نه شي ساتلی.))

دا هم ولولئ

میتیو هیډن پر اسټرالیایي لوبغاړو سختې نېوکې کړي دي

میتیو هیډن د پاکستان د سفر پر مهال د اسټرالیا کرکټ لوبډلې د یوه ورځنیو …