کورپاڼه / خپلواک / رنوير سينګ په (جېيش بهايي زوردار) فلم کې راروان دى
رنوير سينګ

رنوير سينګ په (جېيش بهايي زوردار) فلم کې راروان دى

خپلواک وېبپاڼه (١٦ دسمبر ٢٠١٩): د هندي سينما نامتو فلمي ستورى رنوير سينګ د خپلې ښې اداکارۍ او په زړه پورې فلمونو له لامله ډېر پېژندل کېږي، هغه دا ځل په (جېيش بهايي زوردار) فلم کې راروان دى، چې د دغه فلم لومړنى انځور يې خپور کړى دى.

د دغه فلم په لومړي پوسټر يا انځور کې د هغه پېژندل اسانه نه دي، په دغه فلم کې رنوير سينګ د هند د ګجرات د يو ځوان رول لوبوي. هسې خو د دغه فلم لومړنى انځور يا پوسټر ډېر په زړه پورې ده، خو د دغه انځور له خپرولو سره سم د هغه مينه والو په دغه انځور کې يوه تېروتنه هم نيولې ده.

د رنوير سينګ راروان فلم (جېيش بهايي زوردار) لومړنى انځور کې تېروتنه دا ده، چې دا پوسټر د کنګنا رناوت د فلم (تنو ويډز منو ريټرنز) انځور ته ورته دى او له همدې امله فلمي مينه وال دغه دواړه انځورونه په ټولنيزو رسنيو کې خپروي او نيوکې پرې کوي.

د رنوير سينګ د راروان فلم په دغه پوسټر کې ښکاري، چې هغه مخکې ولاړ دى او تر شا يې ښځې ولاړې دي چې پلو يې په مخونو خور دى، همدا راز د کنګنا رناوت د فلم پوسټر هم همدغه ډول دى، چې شاته يې ښځې ولاړ او پلو يې په مخ اچولى دى.

تنو ويډز منو او جويش بهايي جان

د يادولو ده چې د رنوير سينګ دا راروان فلم (جېيش بهايي زوردار) به د هغه د بل فلم (٨٣) د نندارې ته وړاندې کېدو نه وروسته نندارې ته وړاندې کېږي، په دغه فلم کې رنوير سينګ د کپيل ديو رول لوبوي او دا فلم د ١٩٨٣ نړيوال جام په تړاو جوړېږي.

د جېيش بهايي زوردار لارښود يا ډايريکټر ديويانګ ټکر دى او د دې فلم پروډيوسر بيا منېش شرما دى. دا فلم يو مزاحيه يا کامېډي فلم دى چې په ٢٠٢٠ کال کې به نندارې ته وړاندې کېږي.

Loading...

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …