کورپاڼه / خپلواک / شهزاد او نبي ښه لوبه وکړه، خو بيا هم ناکامه شو
محمد نبي

شهزاد او نبي ښه لوبه وکړه، خو بيا هم ناکامه شو

خپلواک وېبپاڼه (۱۸ دسمبر ۲۰۱۹): د بنګله دېش تجارتي ليګ په نننۍ لوبه کې محمد شهزاد په زړه پورې توپوهنه ترسره او محمد نبي هم ښه لوبه وکړه، خو د محمد نبي په مشرۍ د رنګپور رېنجرز لوبډلې دريمه پرلپسې ماته هم وخوړه.

د بنګله دېش تجارتي ليګ ۱۱مه لوبه د رنګپور رېنجرز او کوميلا واريرز لوبډلو ترمنځ ترسره شوه. د لوبې په پيل کې پچه د رنګپور رېنجرز لوبډلې وګټله او لومړی يې توپوهنه غوره کړه.

رنګپور رېنجرز لوبډلې په ټاکلو ۲۰ اورونو کې د ۸ لوبغاړو په سوځېدو ۱۸۱ منډې وکړې، چې له ډلې يې محمد شهزا ۶۱، محمد نبي ۲۶، ټام ابيل ۲۵ او ليوس ګريګوري ۲۱ منډې وکړې.

محمد شهزاد

د کوميلا واريرز له لوري مجيب الرحمان ۲، سنظم الاسلام، الامين حسېن او سوميه سرکار ۱-۱ ويکټ ترلاسه کړه.

د ۱۸۲ منډو هدف د کوميلا واريرز لوبډلې په ۱۹.۴ اورونو کې د ۴ لوبغاړو په سوځېدو پوره او په ۶ ويکټو يې بريا خپله کړه. د دوی له لوري شبير رحمان ۴۹، ډيويډ ملن ۴۲ ناسوځېدلې، سوميه سرکار ۴۱ او بهانوکا راجا پکسا ۳۲ منډې ترلاسه کړې.

د رنګپور رېنجرز له لوري محمد نبي، مقيد الاسلام، مستفيظ الرحمان او ټام ابيل ۱-۱ ويکټ ترلاسه کړه.

د لوبې د غوره لوبغاړي جايزه ډيويډ ملن ترلاسه کړه.

د يادولو وړ ده چې نن به د بنګله دېش تجارتي ليګ دويمه لوبه د چټاګرام چېلنجرز او ډهاکه پلاټون لوبډلو ترمنځ ترسره شي.

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …