کورپاڼه / روغتيا / آیا نیم ګرمې شېدې څښل د خوب په راوستلو کې مرسته کوي؟

آیا نیم ګرمې شېدې څښل د خوب په راوستلو کې مرسته کوي؟

زیات شمېر خلک له وېده کېدو وړاندې د ګرم شېدو د څښلو عادت لري او په دې نظر هم دي چې دا ورسره د خوب په راوستلو کې مرسته کوي، خو اوس ساینسپوهان په دې غور کوي چې آیا رښتیا هم د شپې لخوا د شېدو څښل د ژور خوب سبب کېږي؟

موږ پوهېږو چې شېدې څو ډوله امینو اسیدونه لري چې دا بیا مهم پروټین تشکیلوي او دا پروټین په بېلابېلو طریقو د خوب راوستلو کې مرسته کوي. ارواپوهان وایي، کله چې مور یا پلار ماشوم ته نیم ګرمې شېدې ورکوي، هغه په رواني ډول د پلار غېږې، مینې او آرام اظهار یې ګڼي.

په دې ډول پر ماشومانو د شېدو یو ډول رواني اغېزې هرو مرو وي. بل لوري ته د شېدو په څښلو سره د شپې لخوا د نا آرامۍ احساس هم کم وي. که په ساینسي ژبه غږیږو نو شېدې ټرپټوفین په نوم امینو اسید لري، چې دا د خوب او آرام هورمون میلاټونین زیاتوي.

په دې ډول موږ ویلی شو چې شېدې څښل بدن ته آرام ورکوي او د ښه خوب سبب کېږي. خو یوه څېړنه بیا وایي چې په یوه پیاله شېدو کې د ټرپټوفین اندازه لږه وي او د خوب لپاره بسنه نه کوي.

خو د نورو مرکبونو په اړه یې ویل کېږي، چې شېدې د کیسن ټرپسن هایډرولیسټ په نوم ماده لري، چې دا ماده دماغو ته سګنل ورکوي او فعالیت یې ورو کوي او د ښه خوب سبب کېږي. همدا راز دا هم ویل کېږي چې نیم ګرمې شېدې معدې ته په رسېدو د آرام سبب کېږي او د ښه خوب په راوستلو کې مرسته کوي.

دا هم ولولئ

پالک وخورئ او روغ او سالم ژوند وکړئ

پالک چې تقریباً په هر کور کې پخېږي، ګڼې حیرانوونکې روغتیایي ګټې لري. روغتیایي کارپوهان …