کورپاڼه / خپلواک / بيګ باش: لومړۍ لوبه کې راشد خان ارماني پاتې شو
راشد خان

بيګ باش: لومړۍ لوبه کې راشد خان ارماني پاتې شو

خپلواک وېبپاڼه (٢١ دسمبر ٢٠١٩): د راشد خان لوبډلې نن په بيګ باش تجارتي ليګ کې لومړۍ لوبه وه، چې په توپوهنه کې راشد خان په صفر وسوځېده او يوازې ٢ توپونه ورته ورسېدل، چې ٦ منډې يې ورکړې او لوبه بې پايلې پاى ته ورسېده.

د بيګ باش سياليو په لړ کې نن د اډلايډ سټرايکرز او سډني تهنډر لوبډلو ترمنځ لوبه ترسره شوه. په پيل کې د لوبې پچه سډني تهنډر لوبډلې وګټله او اډلايډ سټرايکرز لوبډلې ته يې د توپوهنه بلنه ورکړه.

اډلايډ سټرايکرز لوبډلې په ټاکلو ٢٠ اورونو کې د ٥ لوبغاړو په سوځېدو ١٦١ منډې وکړې، چې له ډلې يې جوناتن ويلز ٥٥ ناسوځېدلې، الېکس کېري ٤٥ او جېک ويدرلاډ ٢ منډې وکړې، همدا راز راشد خان په صفر وسوځېده.

د سډني تهنډر له لوري ډينيل سېمس او کريس موريس ٢-٢ او جوناتن کوک ١ ويکټ ترلاسه کړه.

د ١٦٢ منډو د هدف په تعقيب کې د سډني تهنډر لوبډلې د ١ لوبغاړي په سوځېدو ٤٠ منډې کړې وې او کله چې راشد خان راغى او دوه توپونه يې ترسره کړل، نو له هغه وروسته د خرابې هوا او ککړې هوا له امله لوبه ختمه کړاى شوه، چې د دواړو لوبډلو ترمنځ يې نومرې ووېشل شوې. راشد خان يوازې دوه توپونه ترسره کړل او ٦ منډې يې ورکړې.

د يادولو ده چې راشد خان د بيګ باش سياليو له پيلېدو سره سم په خپل ټويټر کې ليکلي و، چې په بيګ باش سياليو کې د خپلې لوبډلې لوبو ته ډېر په تمه دى. هغه ويلي و چې کله هم د اډلايډ سټرايکرز کالي په تن کړې، نو ډېر خوشحاله وي، خو په لومړۍ لوبه کې راشد خان ارماني پاتې شو.

Loading...

ليکوال\خبريال: خپلواک

Avatar

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …