کورپاڼه / روغتيا / په جیم کې باید ډېر وزن پورته شي یا لږ او کوم یو یې ګټور وي؟

په جیم کې باید ډېر وزن پورته شي یا لږ او کوم یو یې ګټور وي؟

نن سبا کابو ټوله نړۍ د چاغوالي له ستونزو سره لاس او ګرېوان ده او د دې ستونزې د حل لپاره جیم ته ځي، خو کله چې جیم ته لاړ شي، نو په ځانګړي توګه میرمنې په دې فکر کې وي چې زیات وزن پورته کړي او که لږ؟

دوی ډېر وخت په دې کې زړه نازړه وي چې څه ډول او څومره وزن پورته کړي؟ د جیم روزونکي زیاتره د وزن کمولو لپاره د درنو وزنونو پورته کولو لارښوونه کوي، خو په کاناډا کې د یوې څیړنې پایلې یو څه توپیر لري.

د څیړنې له مخې، د لږ وزن پورته کول هم د درنو وزنونو د پورته کول په څیر ورته ګټې لري. څېړنه وایي چې تاسې ښایي یو درون وزن تر پنځه یا شپږ ځلو پورته کړئ، خو لږ وزن تر پنځلس ځلې پورته کوئ چې دواړه یو ډول ګټې لري.

په بل عبارت، د لږ وزن او ډېر وزن پورته کولو ترمنځ هیڅ توپیر نشته، په دې مانا چې تاسو کولی شئ د درنو او سپکو وزنونو په پورته کولو سره ورته پایلې ترلاسه کړئ.

خو په دې شرط چې تاسې خپل عضلات له معمول څخه ډیر وکاروئ او د وزن په پورته کولو سره یې پیاوړي کړئ ترڅو د بدن اضافي غوړ له منځه یوسي او باډي مو جوړه شي او د دې لپاره په منظم ډول جیم ته تګ او پر ځان باور مهم دی.

دا هم ولولئ

پالک وخورئ او روغ او سالم ژوند وکړئ

پالک چې تقریباً په هر کور کې پخېږي، ګڼې حیرانوونکې روغتیایي ګټې لري. روغتیایي کارپوهان …