خپلواک افغانستان، سياست، هنر، کرکټ، ساينس او ژوند khpalwak khpalwaak خپلواک
نن په بیګ باش لیګ کې د ظاهر خان ۴ اورونو کې پرته له کومې ویکټې ۲۶ منډې ورکړې، نبي د خرابې کارکردګۍ له امله کېنول شوی او لوبډلې یې لوبه هم وبایلله.
د بیګ باش لیګ ۴۶مه لوبه د میلبورن رینګیډز او سېډني سېکسرز لوبډلو ترمنځ ترسره شوه. د لوبې په پیل کې سېډني پچه وګټله او د توپ وهنې پرېکړه یې وکړه.
سېډني سېکسرز په ټاکلو ۲۰ اورونو کې د ۶ لوبغاړو په سوځېدو ۱۵۰ منډې وکړې، د دوی له لورې جیک ایډوارډ ۴۰ او موسیس هینریکس ۴۹ زیاتې منډې وکړې.
د میلبورن رینګیډز له لورې کین ریچارډست او کمرون بواسي غوره توپ اچونه وکړه، هغه دوه-دوه لوبغاړي وسوځول او ورسره څنګ جوش لالور او ویل سویټرلېنډ یوه-یوه ویکټ ترلاسه کړه.
میلبورن رینګیډز د ۱۵۱ هدف په تعقیب د ټولو لوبغاړو په سوځېدو په ۱۰۵ منډې وکړې او په ۴۵ منډو یې ماتې وخوړه.
د دوی له لورې شان مارش ۳۹ زیاتې منډې وکړې. د سېډني سېکسرز لخوا بین دوارشیس ۵، سین اببوټ ۲، جیکسن بیرډ، هیډن کیر، ټوډ مورپي ۱-۱ ویکټ ترلاسه کړه.
