کورپاڼه / ريکارډونه / راس ټایلر له ټیسټ کرکټ څخه مخه ښه په ځانګړي ریکارډ سره وکړه

راس ټایلر له ټیسټ کرکټ څخه مخه ښه په ځانګړي ریکارډ سره وکړه

د نیوزیلېنډ کرکټ لوبډلې مخکښ توپ وهونکي راس ټایلر د خپل ټیسټ کیریر په وروستي توپ د ویکټې په ترلاسه کولو سره په یادګاري ډول له کرکټ سره مخه وکړه.

د بنګله دیش پر وړاندې لوبه کې کله چې نیوزیلېنډ د ګټلو لپاره یوې ویکټې ته اړتیا درلوده، لوبډلمشر ټام لیتم، پرېکړه وکړه چې راس ټایلر توپ اچونه وکړي او هغه هغه په ​​دریم توپ ویکټ ترلاسه کړه او لوبډلې ته یې بریا ورکړه.

په دې سره راس ټایلر له اسټرالیا لوبغاړي ګلین میک ګرا وروسته دویم لوبغاړی شو، چې چې د خپل ټیسټ کیریر په وروستي بال ویکټ اخلي او ګلین میک ګرا د کرکټ په تاریخ کې هغه لوبغاړی دی چې د کرکټ په درې واړه فارمیټونو کې د خپل کیریر په وروستي توپونو ویکټې اخیستي.

ښي لاسي د میډل ارډر توپ وهونکي راس ټایلر د نیوزیلېنډ لپاره په ۱۱۲ ټیسټ لوبو کې د ۱۹ سلیزو او ۳۵ نیمه سلیزو په مرسته د ۴۴.۶۶ اوسط سره ۷۶۸۳ منډې جوړې کړې او غوره منډې یې په یوه پاڼۍ کې د ۲۹۰ منډو جوړول دي، چې دا کارنامه یې په ۲۰۱۵ کال د اسټرالیا پر وړاندې په پرت کې ترسره کړه.

نوموړی به د محدوده اورونو شپاړس کلن لوبېز ژوند د فبرورۍ په میاشت کې د اسټرالیا او اپریل کې د هالېنډ پر وړاندې له لوبلړۍ وروسته پای ته ورسوي.

نوموړي په ۲۳۳ یو ورځنیو لوبو کې د ۲۱ سلیزو او ۵۱ نیمه سلیزو په مرسته په ۴۸.۲۰ اوسط سره ۸۵۸۱ منډې جوړې کړې او په ۱۰۲ نړیوالو شل اوریزو لوبو کې یې د ۷ نیمه سلیزو په مرسته ۱۹۰۹ منډې جوړې کړې دي.

دا هم ولولئ

جو روټ د اسټرالیایي لوبغاړي ډان بریډمین منفي ریکارډ برابر کړ

د انګلستان د ټیسټ کرکټ ملي لوبډلې لوبډلمشر جو روټ د مشهور توپ وهونکي ډان …