کورپاڼه / کرکټ / میچل سټارک کابو شپږ کال وروسته یو ځل په آی پي اېل کې د لوبېدو اراده لري

میچل سټارک کابو شپږ کال وروسته یو ځل په آی پي اېل کې د لوبېدو اراده لري

میچل سټارک کابو شپږ کال وروسته یو ځل په آی پي اېل کې د لوبېدو اراده لري، هغه په دې اړه غور کوي او موخه یې دا ده ترڅو نړیوال شل اوریز جام او د هند په کوربتوب ټیسټ لوبلړۍ ته چمتو شي.

میچل سټارک په هوبارټ کې د ایشیز لوبلړۍ له پنځمې لوبې وړاندې له رسنیو سره په خبرو کې ویلي، چې په دې اړه جدي غور کوي، چې فبرورۍ کې د آی پي اېل بولۍ ته نوملینکه وکړي.

هغه ویلي، زه وړاندې له دې چې په رسمي ډول پرېکړه وکړم، دوه ورځې وخت لرم، که څه هم تر اوسه مې نوملیکنه نه ده کړې، خو د دې پرېکړې لپاره یو څه وخت لرم.

میچل سټارک د هند غوره لیګ په دوو پړاوونو کې، یعنې ۲۰۱۴ او ۲۰۱۵ کې د رایل چیلنجرز بېنګلور په ګټه لوبېدلی دی او په تېرو اوو کلونو کې د نړۍ غوره او د شل اوریزو لوبو ارزښتناک توپ اچونکی تمام شوی.

هغه رایل چیلنجرز بېنګلور لپاره ۲۷ لوبې ترسره کړي، په دې لوبو کې یې د ۷.۱۶ اکانومۍ په لرلو سره په ۱۷ اوسط سره ۳۴ ویکټې ترلاسه کړي دي.

دا هم ولولئ

مصباح الحق

د پاکستان لوبډلې پخوانی روزونکی مصباح الحق غواړي چې د افغان لوبډلې روزونکی شي

د افغانستان کرکټ بورډ د افغانستان کرکټ ملي لوبډلې لپاره مشر روزونکی ګماري او په …