کورپاڼه / خپلواک / له ملګرو سره ټوکې ټکالې او خندا کول روغتیا ته ډېرې ګټې لري

له ملګرو سره ټوکې ټکالې او خندا کول روغتیا ته ډېرې ګټې لري

په دې هر څوک پوهیږي چې خندا یا مسکا کول تر ټولو ښه او غوره درمل دی، خو یوې نوې څیړنې ښودلې چې له ملګرو سره خندا او ټوکې ټکالې کول د انسان پر روغتیا مثبتې اغیزې لري.

په یوې تازه څیړنه کې څیړونکو موندلې چې له ښه ملګري سره خندا یا ټوکې ټکالې کول د ۶۵ کلونو یا ډیر عمر لرونکي خلکو کې د رواني یا فزیکي معلولیت خطر تر ۳۰ سلنه پورې کموي.

څیړونکي وايي چې له ملګرو سره ټوکې ټکالې او خندا کولی شي د بدن دفاعي سیستم فعالیت ښه کړي، چې دا چاره په پایله کې د معلولیت خطر کموي.

د جاپان په ايچي ښار کې د ناګويا پوهنتون د څېړنې مخکښ ليکوال يوداي تامادا وايي، چې له ملګرو سره خندا او ټوکې ټکالې کول ډېرې ګټې لري، چې په هغې کې د فشار کمول، د معافيت ښه کول او د ټولنیز احساس ښه کېدل شامل دي.

څېړونکو د دې څېړنې له لارې په جاپان کې په ورځني ژوند کې د خندا یا ټوکو ټکالو او فزیکي معلولیت ترمنځ اړیکې ته کتنه کړې.

دا هم ولولئ

ویرات کوهلي: زه له جنجال جوړولو سره لېوالتیا نلرم

د هند ټیسټ کرکټ پخواني لوبډلمشر ویرات کوهلي د سویلي افریقا پر وړاندې په ټیسټ …