کورپاڼه / هنر او کلتور / اریانا سعید: استاد ګل زمان به د سندرو او پښتو موسیقۍ ته د کړیو خدمتونو له امله تل ژوندی وي

اریانا سعید: استاد ګل زمان به د سندرو او پښتو موسیقۍ ته د کړیو خدمتونو له امله تل ژوندی وي

د هېواد مشهورې سندرغاړې او د ښځو حقوق مدافعې اریانا سعید د استاد ګل زمان په مړینه خواشینې ده او وایي چې ځان نیکمرغي ګڼي چې د هغه ترڅنګ یې سندرې ویلي دي.

اریانا سعید وایي، زه خپل ځان یو له هغه نیکمرغه سندرغاړو څخه شمېرم، چې پخپله وړتیا او هنر مې وکولی شو، چې د استاد ګل زمان ترڅنګ کېنک او د هغه لس کمپوزونه په یوه خپرونه کې ترسره کړم.

نوموړې زیاتوي، چې په دې هم ځان نیکمرغه ګڼم چې د افغانستان هنرمندانو شبکې په مرسته د افغانستان د هنر له دې نړۍ سره لږه څه ملتیا مې کړې ده.

اریانا سعید وایي، چې استاد ګل زمان به د سندرو او پښتو موسیقۍ ته د کړیو خدمتونه له امله تل ژوندی وي او هغه ته یې د روح ښادېدو دعاګانې کړي دي.

د ویلو ده چې استاد ګل زمان تېره ورځ د ۸۲ کلونو په عمر د حق داعي ته روح وسپاره او له دې نړۍ یې سترګې پټې کړې.

دا هم ولولئ

ډپیکا پاډوکون ولې له سلمان خان سره له کار کولو ډډه کړې وه

دپیکا پاډوکون له سلمان خان سره په فلم کې له کار کولو انکار کړی و، …