کورپاڼه / خپلواک / د شين وارن د ټېسټ خولۍ تر ١ ميليون زياتو ډالرو باندې ليلام شوه
د شين وارن خولۍ

د شين وارن د ټېسټ خولۍ تر ١ ميليون زياتو ډالرو باندې ليلام شوه

خپلواک وېبپاڼه (١٠ جنوري ٢٠٢٠): د اسټراليا پخواني نامتو ورو توپ اچونکي شين وارن د ټېسټ خولۍ تر ١ ميليون زياتو ډالرو باندې ليلام شوه.

د رسنيو د راپورونو په وينا، د اسټراليا د پخواني سپينر توپ اچونکي شين وارن د ټېسټ لوبو خولۍ په ١ ميليون، ٧ زره او ٥ سوه ډالرو باندې ليلام شوه.

شين وارن چې د اسټراليا لپاره يې په ١٤٥ ټېسټ لوبو کې ٧٠٨ ويکټې ترلاسه کړي دي، د هغه خولۍ په اسټراليا کې د لګېدلي اور لپاره د پېسو راغونډولو کمپاين ته ورکړې وه، چې هغوى ليلام کړه.

د شين وارن د ټېسټ خولۍ په ١ ميليون، ٧ زره او ٥ سوه امريکايي ډالر باندې ليلام شوه، له دغه ليلام نه ترلاسه شوې پېسې به نېغ په نېغه د اسټراليا د اور لپاره د پېسو راغونډولو صندوق ته ورکړل شي.

پخوانى اسټراليايى کرکټ شين وارن وايي، چې ليلامي زما له هيلو ډېره ښه او پورته وه.

د يادولو ده چې د اسټراليا په ځنګلونو کې په لويه کچه اور لګېدلى دى، چې تراوسه پورې پکې د ٢٧ کسانو په ګډون تر يو ميليارد پورې څاروي او مارغان له منځه تللي دي.

همدا راز د دغه اور لګېدلو له امله شاوخوا ٢٠٠٠ کورونه هم سوځېدلي دي او په زرګونو کسان خوندي سيمو ته لېږل شوي دي.

دا هم ولولئ

آیا د خېټې د درد په سببونو پوهېږئ؟

د خېټې یا معدې درد یوه داسې ستونزه ده چې ډېری خلک پرې اخته کېږي …