کورپاڼه / خپلواک / قېس احمد نن ښه وټکېده او لوبه هم د تهنډر په بريا تمامه شوه
قېس احمد

قېس احمد نن ښه وټکېده او لوبه هم د تهنډر په بريا تمامه شوه

خپلواک وېبپاڼه (١١ جنوري ٢٠٢٠): د بيګ باش په نننۍ لوبه کې قېس احمد په ٤ اورونو کې ٤٠ منډې ورکړې او ١ ويکټ يې واخيسته، همدا راز لوبډله يې هم له ناکامۍ سره مخ شوه او سډني تهنډر بريا خپله کړه.

د بيګ باش نننۍ لوبه د هوبارټ هوريکنز او سډني تهنډر لوبډلو ترمنځ ترسره شوه. د لوبې په پيل کې سډني تهنډر پچه وګټله او لومړى يې د هوبارټ هوريکنز لوبډلې ته د توپوهنې بلنه ورکړه.

هوبارټ هوريکنز په ټاکلو ٢٠ اورونو کې د ٦ لوبغاړو په سوځېدو ١٦٢ منډې وکړې، چې له ډلې يې جارج بېلي ٤٣، بين مک ډيرموټ ٣٣ او کاليب جيول ٣١ منډې وکړې.

د سډني تهنډر له لوري ډينيل سيمس او کريس موريس ٢-٢، برينډن ډوګيټ او ليام بوي ١-١ ويکټ ترلاسه کړې.

د ١٦٣ منډو هدف د سډني تهنډر لوبډلې په ١٩.٤ اورونو کې د ٦ لوبغاړو په سوځېدو پوره او په ٤ ويکټو يې بريا خپله کړه. د دوى له لوري اليکس هيلز ٥٥، عثمان خواجه ٣٥ او اليکس روز ٣٢ ناسوځېدلې منډې وکړې.

د هوبارټ هوريکنز له لوري کليو روز ٢، قېس احمد، توماس روجرز، سکاټ بولانډ او سيمون ميلينکو ١-١ ويکټ واخيستې.


د لوبې د غوره لوبغاړي جايزه اليکس هيلز ترلاسه کړه، چې ٥٥ منډې يې وکړې او خپله لوبډله يې بريا ته ورسوله.

د يادولو ده چې نن د بريسبين هيټ لوبه د پرت سکارچرز لوبډلې سره وه، چې د ظاهر خان بريسبين هيټ لوبډلې پکې ماته وخوړه او دا يې په اتمه لوبه کې څلورمه ماته وه.

ياده دې وي چې دا د سډني تهنډر نهمه لوبه وه چې ٤مه بريا يې خپله کړه او په دريم مقام کې ځاى لري، همدا راز د هوبارټ هوريکنز بيا اتمه لوبه وه چې ٥مه ماته يې وخوړه او په درې لوبو کې يې بريا خپله کړې ده.

Loading...

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …