کورپاڼه / خپلواک / افغان ۱۹ کلنو لوبډلې انګلېنډ ته په تمریناتي لوبه کې په ۲۱ منډو ماته ورکړه
19 year old Team

افغان ۱۹ کلنو لوبډلې انګلېنډ ته په تمریناتي لوبه کې په ۲۱ منډو ماته ورکړه

خپلواک وېپاڼه (۱۴ جنوري ۲۰۲۰): د افغانستان ۱۹ کلنو کم عمره لوبډلې د نړیوال جام په تمریناتي لوبه کې د انګلېنډ ۱۹ کلنو کم عمره لوبډلې ته د ۲۱ منډو په توپیر ماته ورکړه.

د افغاستان ۱۹ کلنو کم عمره لوبډلې د نړیوال جام لپاره په دوهمه تمریناتي لوبه کې د انګلېنډ د ۱۹ کلنو لوبډلې ته د ۲۱ منډو په توپیر ماته ورکړه. افغان لوبډلې د انګلېنډ ۱۹ کلنو لوبډلې ته د ۲۰۶ منډو هدف وټاکه، چې انګلېنډۍ لوبډلې یاد هدف پوره نه شو کړای او لوبه د افغان لوبډلې پر بریا پای ته ورسېده.

د ۱۹ کلنو کم عمره لوبډلو نړیوال جام لپاره د تمریناتي لوبو په لړ کې افغان ۱۹ کلنو کم عمره لوبډلې خپله لومړنۍ لوبه د جنورۍ په ۱۲مه نېټه د هند له ۱۹ کلنو کم عمره لوبډلې سره کړې وه، چې د افغان لوبډلې ټول لوبغاړي په ۴۴ کمو منډو سوځېدلې وه او له هندۍ لوبډلې یې په ۲۱۱ منډو ماته خوړلې وه.

د یادونې وړ ده، چې په ۲۰۲۰ عیسوي کال کې د ۱۹ کلنو کم عمره لوبډلو نړیوال جام په سهیلي افریقا کې ترسره کېږي، چې یادې لوبې به د روانې جنوري میاشت په ۱۷مه نېټه پیل شي.

د افغانستان د ۱۹ کلنو کم عمره لوبډله د ۲۰۲۰ نړیوال جام په فهرست کې په D ګروپ کې شامله ده، چې د سهيلي افریقا، کاناډا او د متحده عربي اماراتو د ۱۹ کلنو کم عمره لوبډلو سره به لوبې وکړي.

دغه نړیوال جام ته یوازې درې ورځې پاتې دي، چې اوله لوبه به د افغانستان او سهیلي افریقا لوبډلو تر منځ وشي. همدارنګه د جنورۍ په ۲۲مه نېټه افغان لوبډله له متحده عربي اماراتو او په ۴۲مه نېټه به د کاناډا د ۱۹ کلنو کم عمره لوبډلې سره میدان ته ښکته شي.

Loading...

دا هم ولولئ

نبي، اصغر او راشد

له کرکټ سره د افغانانو کرکه ولې دومره زياته شوه؟

د افغانستان کرکټ بورډ په شفيق الله شفق باندې د فساد له امله د ٦ …