کورپاڼه / خپلواک / د نړيوال شل اوريز جام لپاره د اسټراليا لوبډلې نوي کالي
اسټراليا ښځينه لوبډلې کالي

د نړيوال شل اوريز جام لپاره د اسټراليا لوبډلې نوي کالي

خپلواک وېبپاڼه (١٥ جنوري ٢٠٢٠): د راتلونکي نړيوال شل اوريز جام لپاره د اسټراليا کرکټ بورډ د خپلې لوبډلې د نوو کاليو انځورونه له رسنيو سره شريک کړل.

د ښځو نړيوال شل اوريز جام چې په راتلونکي مياشت کې په اسټراليا کې ترسره کېږي، د اسټراليا کرکټ بورډ د ښځينه لوبډلې لپاره نوې کالي جوړ کړي دي، چې پکې د زيړ رنګ تر څنګ ګولډن او همدا راز تور رنګ هم کارول شوى دى، چې تر څنګ يې سپينې نښې او تور ستوري هم پکې شامل دي.

د اسټراليا کرکټ په وينا، چې دغه کالي يې د راتلونکي ښځينه نړيوال شل اوريز جام لپاره تيار کړي دي، دوى وايي چې ياد کالي د ميلبورن کرکټ لوبغالي نه په متاثره کېدو جوړ شوي دي.

اسټراليا ښځينه لوبډلې نوي کالي

د ٢٠٢٠ کال د ښځو نړيوال شل اوريز جام چې د فبرورۍ په ٢١مه نېټه پيلېږي او د مارچ تر ٨مې نېټې پورې به دوام وکړي، په اسټراليا کې ترسره کېږي.

په دغه نړيوال جام کې ١٠ لوبډلې ګډون لري او د پايلوبې په ګډون به پکې ټولې ٢٣ لوبې ترسره کېږي. ټولې لوبډلې په دوه ګروپونو وېشل شوي دي، چې لومړۍ لوبه به د اسټراليا او هند لوبډلو ترمنځ په سډني کې ترسره شي.

د اسټراليا او هند پرته په دغه نړيوال جام کې د انګلستان، نيوزيلېنډ، پاکستان، سويلي افريقا، سريلانکا، ويسټ انډيز، بنګله دېش او تايلېنډ لوبډلې هم ګډون لري. بنګله دېش او تايلېنډ لوبډلو بيا د کواليفايي له لارې د ښځو نړيوال جام ته لار موندلې ده.

د ښځو نړيوال شل اوريز جام چې په ٢٠٠٩ کال کې پيل شوى دى، تراوسه پورې ٦ نړيوال جامونه ترسره شوي دي، چې تر ټولو زيات پکې د اسټراليا لوبډلې ګټلې دي. اسټراليا ٤ ځل دغه جام کې اتلولي خپله کړې ده او تېر ځل ٢٠١٨ کال کې هم د شل اوريز جام اتله لوبډله وه.

همدا راز د ښځو په نړيوال شل اوريز جامونو کې بيا تر ټولو زياتې منډې هم د اسټراليا توپوهونکې سوزي باټس ترلاسه کړي دي چې ٨٨١ منډې يې کړي دي او ٣٦ زياتې ويکټې هم بيا د اسټراليا توپ اچونکې ايليس پيري اخيستي دي.

Loading...

دا هم ولولئ

اصغر افغان، فرهان يوسفزى او ګلبدين نايب

افغانستان کرکټ کې بې حسابه پېسې، شهرت او سفرونه دي چې هر څوک يې غواړي

په کرکټ کې او په خاص ډول د افغانستان کرکټ کې درې شيان زيات دي، …