کورپاڼه / خپلواک / نړيوال جام کې د انګلستان لوبډلې پاکستانۍ لوبډله ماته کړه
انګلستان لوبډله

نړيوال جام کې د انګلستان لوبډلې پاکستانۍ لوبډله ماته کړه

خپلواک وېبپاڼه (٢٨ فبروري ٢٠٢٠): د ښځو نړيوال شل اوريز جام کې د انګلستان او پاکستان ښځينه لوبډلو ترمنځ لوبه ترسره شوه، چې د انګلستان لوبډلې په اسانۍ سره پاکستانۍ لوبډله ماته او بريا يې خپله کړه.

د ښځو نړيوال شل اوريز جام ١٢مه لوبه د انګلستان او پاکستان ښځينه لوبډلو ترمنځ په کانبرا کې ترسره شوه.

د دغه لوبې په پيل کې پاکستان ښځينه لوبډلې د لوبې پچه وګټله او لومړى يې د انګلستان ښځينه لوبډلې ه د توپوهنې بلنه ورکړه.

د انګلستان ښځينه لوبډلې په ټاکلو ٢٠ اورونو کې د ٧ لوبغاړو په سوځېدو ١٥٨ منډې وکړې، چې له ډلې يې لوبډلمشرې هيدر نايټ ٦٢، نتالي سکاوير ٣٦ او فران ويلسون ٢٢ منډې ترلاسه کړې.

د پاکستان ښځينه لوبډلې له لوري ايمان انور ٣، ندا ډار ٢، ډيانا بېګ او عاليه رياض بيا ١-١ ويکټ ترلاسه کړې.

پاکستان لوبډله

د ١٥٩ منډو د هدف په تعقيب کې پاکستانۍ لوبډلې په ١٩.٤ اورونو کې د ټولو لوبغاړو په سوځېدو ١١٦ منډې وکړې او د ٤٢ منډو په توپير يې له انګلستانۍ لوبډلې څخه ماتې وخوړله.

د پاکستان له لوري عاليه رياض ٤١، جويريه خان ١٦ او منيبه علي ١٠ منډې وکړې، همدا راز د انګلستان له لوري بيا انيا شربسول او سارا ګلين ٣-٣ او کيترين برنټ او سوفي ايکليسټون بيا ٢-٢ لوبغاړې وسوځولې.

انګلستان لوبغاړې

د لوبې د غوره لوبغاړې جايزه بيا هيدر نايټ ترلاسه کړه.

نن بيا بله لوبه د سويلي افريقا او تايلېنډ ښځينه لوبډلو ترمنځ ترسره شوه، چې سويلي افريقا لومړى توپوهنه وکړه او د ٣ لوبغاړو په سوځېدو يې ١٩٥ منډې وکړې، چې په ځواب کې يې د تايلېنډ ټولې لوبډلې په ١٩.١ اورونو کې ٨٢ منډې وکړې او د ١١٣ منډو په توپير يې ماتې وخوړله.

د لوبې د غوره لوبغاړې جايزه ليزيلي لي ترلاسه کړه، چې په زړه پورې توپوهنه يې ترسره کړې وه او په ٦٠ توپونو يې ١٠١ منډې کړې وې، هغې ٣ شپږيزې او ١٦ څلوريزې هم وهلې وې.

د يادولو ده چې له اې ګروپ نه تراوسه پورې د هند لوبډلې نيمه پايلوبې ته لار پېدا کړې ده، همدا راز د بي ګروپ نه تراوسه پورې نه ده معلومه شوې، چې کومې کومې لوبډلې به نيمه پايلوبې ته لاړې شي.

Loading...

ليکوال\خبريال: خپلواک

Avatar

دا هم ولولئ

شفيق الله شفق

کرکټ بورډ په شفيق الله شفيق د فساد له امله ٦ کاله بندېز ولګاوه

د افغانستان کرکټ بورډ وايي، چې د ملي لوبډلې په نامتو لوبغاړي شفيق الله شفق …